ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 5 » Լոռու մարզի գազի ծառայության պետի տեղակալը «Մերսեդես 600»-ով 30 մետր բարձությունից ընկել է ձորը

---

23:25 Լոռու մարզի գազի ծառայության պետի տեղակալը «Մերսեդես 600»-ով 30 մետր բարձությունից ընկել է ձորը

Այսօր` օգոստոսի 5-ին, ավտովթար է տեղի ունեցել Լոռիի մարզում: Ժամը 12:30-ի սահմաններում Վանաձոր-Ստեփանավան ավտոճանապարհին` Բազում գյուղի վերջնամասում, Ստեփանավան քաղաքի բնակիչ, 20-ամյա Վոլոդյա Իշխանյանը, վարելով «Մերսեդես 600» մակնիշի 24 ՕՏ 500 համարանիշի ավտոմեքենան, դեպի Ստեփանավան քաղաք ուղևորվելիս դուրս է եկել ճանապարհի երթևեկելի գոտուց և 30 մետր բարձրությունից ընկել ձորը:     Ինչպես հայտնում է ֆոտոլրագրող Գագիկ Շամշյանը, վթարի հետևանքով Վ. Իշխանյանը մարմնական վնասվածքներով տեղափոխվել է Վանաձորի բժշկական կենտրոն: Բժիշկների գնահատմամբ, նրա վիճակը միջին ծանրության է: Ըստ տեղեկությունների, Վ. Իշխանյանը Ստեփանավանում ռեստորանային համալիրի սեփականատեր է և աշխատում է Լոռու մարզի գազի ծառայության պետի տեղակալ:    Վթարի հետևանքով ավտոմեքենայից նկատվել է գազի արտահոսք, ինչի համար դեպքի վայր են ժամանել ՀՀ Արտակարգ իրավիճակների նախարարության փրկարար ծառայության Լոռու մարզի փրկարար վարչության փրկարար ջոկատը` հրամանատար Սերգեյ Ղարաքեշիշյանի գլխավորությամբ:     Ժամանել են նաև ճանապարհային ոստիկանության 2-րդ սպայական գումարտակի 5-րդ վաշտի աշխատակիցները` հրամանատար Մարտուն Բալայանի գլխավորությամբ:     Փաստի առթիվ Ոստիկանության քննչական գլխավոր վարչության Լոռու մարզի քննչական բաժնում նյութեր են նախապատրաստվում:

1 2 3 4 5 Դիտումներ: 368 | Ավելացրեց: ArmFin | վարկանիշ: 0.0/0

Մեկնաբանություններ: 0