ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Հունիս » 18 » Օֆշորային գոտում բիզնես ծավալելու առաջին փորձը կատարել է ՀՀ առաջին նախագահը

---

20:17 Օֆշորային գոտում բիզնես ծավալելու առաջին փորձը կատարել է ՀՀ առաջին նախագահը

Այսօր լրագրողների հետ հանդիպման  ժամանակ Հանրային խորհրդի անդամ Արշակ  Սադոյանն ասաց, որ մեր իշխանությունները  փորձեցին մաքսիմում օգտվել օֆշորային  գոտիների ընձեռած հնարավորություններից:  «Այսպիսի պատմությունները նորություն չեն  Հայաստանի համար և այդ մասին այսօր  բարձրաձայնողներից շատերը իրենք են եղել այդ մոտեցման ճարտարապետները»,- նշեց Սադոյանը: «Լևոն Տեր-Պետրոսյանը դեռ 90-ականներին այն ժամանակվա կապի և տրանսպորտի նախարար Գրիգոր Պողպատյանի հետ միասին հիմնեցին «TVT» կազմակերպությունը անգլիական Ջերսի կղզում: Այն առանց կոպեկ ներդնելու կարողացավ դառնալ ամբողջ Հայաստանի հեռահաղորդակցության տերը և Պողպատյանն էլ 75 մլն դոլար այդընթացքում կարողացավ գրպանել»,- հիշեցրեց Սադոյանն օֆշորային գոտում բիզնես ծավալելու առաջին փորձը: Հանդիպմանը ներկա Գառնիկ Իսագուլյանին  չի հետաքրքրում, թե ինչ է եղել, նրա համար կարևոր է այն, որ գործը բացահայտվի: Իսագուլյանը շեշտեց, որ ցավալին այն է, երբ ընկերոջդ հրավիրում ես ինչ-որ հարցի շուրջ քննարկման, ամեն կերպ խույս են տալիս: «Եթե մեր պետական մարմինները չեն կարող ճշտել` մեր պաշտոնյաների անունները գրանցված են օֆշորում, թե ոչ, ուրեմն մենք պետություն կոչվելու իրավունք չունենք: Մեղադրանքները հերքելն, ըստ Իսագուլյանի, բանավոր չի լինում, հերքելը պետք է փաստերով լինի. Այժմ կարևորագույն խնդիրն է` ապացուցել, որ այդ մարդիկ կապ չունեն օֆշորի հետ:                                                                                                                                           Աղբյուրը` www.maxinfo.am

1 2 3 4 5 Դիտումներ: 392 | Ավելացրեց: ArmFin | վարկանիշ: 5.0/1

Մեկնաբանություններ: 0