Ընթացիկ տարվա սկզբից խաղատների թիվը Հայաստանում ավելացել է և այդ բիզնեսը շարունակաբար զարգանում է: Օրերս Ծաղկաձորում բացվեց ևս մեկ բարձրակարգ և եվրոպարական բոլոր չափանիշներին համապատասխան խաղատուն: «Ռոյալ» խաղատունը գտնվում է նորաբաց «Ծաղկաձոր Մարիոթ» հյուրանոցային համալիրի անմիջապես հարևանությամբ: Խաղատունը նույնպես կառուցվել է հյուրանոցային ցանցի չափանիշներին համապատասխան: Նորաբաց հյուրանոցային համալիրը, ինչպես նաև խաղատունը պատկանում են «ՀայՌուսգազարդ» ընկերությանը և կառուցվել են «Ադիգազ» հանգստյան տան վերակառուցման ծրագրի շրջանակում:

Մայրաքաղաքից դուրս նման բարձրակարգ հյուրանոցային համալիրի կառուցումը կարևորվեց ինչպես Հայաստանում զբոսաշրջության ոլորտի կայուն զարգացումն ապահովելու և օտարերկրյա շուկաներում հայաստանյան զբոսաշրջային արդյունքը խթանելու, այնպես էլ նոր աշխատատեղեր ստեղծելու և տարածքային համաչափ զարգացման տեսանկյունից:

Ըստ մեր հավաստի աղբյուրների` նորաբաց «Ռոյալ» խաղատան կառավարումը հանձնվել է օտաերկրացիներին: Թե որն է պատճառը` հայտնի չէ: Սրանից կարելի է եզրակացնել, որ Հայաստանում կան բազմաթիվ խաղատներ, սակայն չկա մի լուրջ խաղատան գործում հմտացած ընկերություն, որն իր վրա կվերցներ ողջ պատասխանատվությունը: