ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Համաշխարհային բանկի` Հայաստանի սոցիալական ներդրումների ծրագրի ղեկավար Իվան Դրաբեկին:

   Կողմերը քննարկեցին Հայաստանի սոցիալական ներդրումների հիմնադրամի երրորդ ծրագրի երրորդ լրացուցիչ բաղադրիչի ընթացքին վերաբերող հարցեր, անդրադարձան ծրագրի շարունակության հնարավորություններին:

 Ի. Դրաբեկը փոխվարչապետին տեղեկացրեց Երեւանում հոկտեմբերի վերջին կայանալիք խորհրդաժողովի մասին, որը նվիրված է Հայաստանում եւ Մոլդովայում ՀԲ սոցիալական ներդրումների ծրագրի զարգացման հեռանկարներին եւ հրավիրեց մասնակցել միջոցառմանը:

ՀՀ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐՈՒԹՅՈՒՆ

Հասարակայնության հետ կապերի բաժին