ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2014 » Հունվար » 17 » Քննարկվել են ՓՄՁ-ների հարկային ռեժիմի թեթևացմանն ուղղված խնդիրները

---

23:51 Քննարկվել են ՓՄՁ-ների հարկային ռեժիմի թեթևացմանն ուղղված խնդիրները

Վարչապետ Տիգրան Սարգսյանի գլխավորությամբ կառավարությունում տեղի է ունեցել Փոքր և միջին ձեռնարկատիրության զարգացման խորհրդի հերթական նիստը: Մասնավորապես, ինչպես նախորդ նիստում, այս անգամ ևս քննարկվել է «Շրջանառության հարկի մասին» ՀՀ օրենքում դրույքաչափի վերաբերյալ փոփոխություն կատարելու հարցը:  Դիմելով նիստին մասնակից ՓՄՁ-ների  ներկայացուցիչներին՝ վարչապետը նշել է, որ  «Շրջանառության հարկի մասին» ՀՀ օրենքում փոփոխություններ կատարելու  առաջարկի իմաստը փաստաթղթային ուսումնասիրությունների խստացմամբ  շրջանառության հարկի 3,5 տոկոսը մինչև 1 տոկոս նվազեցնելն է` ապահովելով նաև բոլոր գործարքների փաստաթղթավորում:  Տիգրան Սարգսյանը զարմանք և տարակուսանք է հայտնել, որ շատ ՓՄՁ-ներ դեմ են այդ առաջարկին: Այս դեպքում խնդիրը պետք է փնտրել ոչ միայն վատ վարչարարության, այլև թե ՓՄՁ-ների ստվերային գործունեության, և թե խոշոր բիզնեսի ստվերային հոսքերի շրջանառության ապահովման մեջ:  Այնուհետև ծավալվել է մտքերի փոխանակում, որի ընթացքում խորհրդի անդամներն իրենց առաջարկություններն ու դիտարկումներն են հնչեցրել քննարկվող խնդրի առնչությամբ: Ամփոփելով՝ կառավարության ղեկավարը հանձնարարել է ներկաներին ևս մեկ անգամ քննարկել ներկայացված առաջարկությունները և հարցը կրկին ներկայացնել հաջորդ նիստում:

1 2 3 4 5 Դիտումներ: 342 | Ավելացրեց: ArmFin | վարկանիշ: 5.0/1

Մեկնաբանություններ: 0