Ինչպես «Վեդոմոստի»-ին հայտնել են իրավապահ մարմինների իր աղբյուրները` դա  «Նուտրիտեկ» -ի գործով դեկտեմբերյան խուզարկությունների շարունակությունն է եղել: Հիմքեր կան ենթադրելու, որ Մալոֆեեւն սկսել է վերացնել այդ գործի հետ առնչություն ունեցող որոշ փաստաթղթերը: «Վեդոմոստի»-ի տվյալներով` Մալոֆեեւը չի կալանավորվել, այլ  գտնվում է քաղաքում` գործնական հանդիպման:

Ընկերության փաստաբան Ալեքսանդր Ժելեզնիկովը պատմել է, որ առավոտյան հատուկջոկատայինները «Նովինսկի անցուղի» բիզնես կենտրոնի անցման տուրնիկետի վրայով ցատկելով` ներխուժել են  «Մարշալ»-ի գրասենյակ` բղավելով. «Հատուկ ջոկատն է աշխատում»:

Ավելի վաղ Մալոֆեեւին խուզարկել են ՎՏԲ- VTB Capital Plc բրիտանական «դուստրից» «Ռուսագրոպրոմին» տրված ավելի քան 200 մլն դոլար վարկի շորթման գործով, որը տրամադրվել էր «Նուտրիտեկ» խմբի մեջ մտնող եւ նախկինում Մալոֆեեւի կառույցների կողմից վերահսկվող Nutritek International Corp ընկերության կաթի գործարանները գնելու նպատակով: Դեկտեմբերին խուզարկվել է նաեւ «Ռոստելեկոմ»-ի նախագահ Ալեքսանդր Պրովոտորովը, գրում է  «Գազետա.ռու»-ն:

Մալոֆեեւի շրջապատում գտնվող աղբյուրը նշել է, որ մոտակա երկու օրվա ընթացքում Լոնդոնի դատարանի` «Նուտրիտեկ»-ի գործի առնչությամբ կայացված վերջանական որոշումը հայտնի կլինի: Բացի այդ, նա չի բացառել, որ գործողություններն իրականացվել են «pr-ընկերության» շրջանակում` «Ռոստելեկոմ»-ի տնօրենների խորհրդի  «անհրաժեշտ կազմը» վերընտրելու համար: