ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 25 » Samsung-ը ստիպված կլինի Apple-ին միլիարդավոր դոլարներ վճարել

---

17:38 Samsung-ը ստիպված կլինի Apple-ին միլիարդավոր դոլարներ վճարել

ԱՄՆ-ի Կալիֆորնիա նահանգի Սան Խոսեի դատարանը, քննելով Samsung-ի և Apple-ի վեճը, վճռել է, որ հարավկորեական ընկերությունը նմանակել է iPhone-ի և iPad-ի ստեղծման ժամանակ օգտագործված տեխնոլոգիաները: Ինչպես օգոստոսի 24-ին հայտնել է Associated Press-ը, դատարանի վճռով` Samsung-ն Apple-ին 1,05 մլրդ դոլար փոխհատուցում կվճարի: Սպասվում է, որ Samsung-ը դատարանի վճիռը կբողոքարկի: Reuters-ը նշում է, որ տվյալ որոշման ուժի մեջ մտնելը կարող է հանգեցնել Samsung-ի հիմնական արտադրանքների վաճառքն արգելելուն: Բացի դրանից, դժվարությունների կարող են բախվել նաև այն բոլոր ընկերությունները, որոնք Android-ի հիմքով սմարթֆոններ են վաճառում: Apple-ը հարավկորեական ընկերության դեմ հայց է ներկայացրել 2011-ի ապրիլին` պահանջելով 2,5 մլրդ դոլար փոխհատուցում: Samsung-ը 399 մլն դոլարի հակառակ հայց է ներկայացրել` պնդելով, որ Apple-ն իր մշակումներն օգտագործել է անլար հաղորդակցուղիների ոլորտում:  Ավելի վաղ` օգոստոսի 24-ին, Սեուլի դատարանը վճռել էր, որ Samsung-ը մեղավոր է Apple-ի մեկ մոդելի կրկնօրինակման համար, իսկ Apple-ը`Samsung-ի երկու մոդելների նմանակման համար: Ամերիկյան ընկերությունից որպես փոխհատուցում գանձել են 22 000 դոլար, իսկ հարավկորեականից` 35 000:

1 2 3 4 5 Դիտումներ: 408 | Ավելացրեց: ArmFin | վարկանիշ: 5.0/1

Մեկնաբանություններ: 0