14:52 Սերգո Կարապետյան. Գյուղատնտեսության նախարարությունը բաց է համագործակցության համար | |
Հայաստանի գյուղատնտեսության նախարար Սերգո Կարապետյանն այսօր` հոկտեմբերի 5-ին ընդունել է «Գյուղատնտեսական դաշինք»-ի անդամ կազմակերպությունների ներկայացուցիչներին: Դաշինքն ստեղծվել է 2011 թվականին, միավորելով Հայաստանի գյուղատնտեսության զարգացման հատվածում գործող տեղական եւ միջազգային 11 կազմակերպությունների եւ նպատակ ունենալով օժանդակել գյուղատնտեսության ոլորտում առկա խնդիրների լուծմանը: Հանդիպման նախաձեռնությունը Դաշինքի անդամներինն էր, որոնք արձագանքելով վերոհիշյալ խնդիրների լուծման համար նպատակների միասնականացման ու ջանքերի մեկտեղման ՀՀ գյուղատնտեսության նախարարության կոչին, հանդիպման էին եկել քննարկելու համագործակցության ձեւաչափը եւ հետագա քայլերը: «Ոլորտի հիմնահարցերը միասնական մոտեցում եւ լուծումներ են պահանջում, եւ գյուղատնտեսության նախարարությունը բաց է համագործակցության համար, որին կարող են անդամակցել Հայաստանում գյուղատնտեսության ոլորտի զարգացման հարցերով զբաղվող բոլոր շահագրգիռ կողմերը»,- նշեց նախարարը, առաջարկելով նախապատրաստել եւ վավերացման ներկայացնել ՀՀ գյուղատնտեսության նախարարության եւ «Գյուղատնտեսական դաշինք»-ի միջեւ գյուղատնտեսության ոլորտում համագործակցելու փոխըմբռման հուշագիրը: | |
|
Մեկնաբանություններ: 0 | |