19:48 Սերժ Սարգսյանը ներկա է գտնվել աղետի գոտում 1756 նոր բնակարանների հանձնմանը | |
Հայաստանի նախագահ Սերժ Սարգսյանը մասնակցել է Գյումրի քաղաքում 1756 նոր բնակարանների հանձնման հանդիսավոր արարողությանը: Շինարարությունն իրագործվել է 1988 թվականի Սպիտակի երկրաշարժի հետեւանքների վերացման ծրագրի շրջանակներում: «Մուշ-2» եւ «Անի» թաղամասերում շահագործման են հանձնվել մեկսենյականոց 640, երկսենյականոց 528, երեք սենյականոց 464 եւ 4 սենյականոց 124 բնակարաններ: Բոլորը գազիֆիկացված են, հաղորդում է NEWS.am-ի թղթակիցը: Պետական ծրագրի շրջանակներում կառուցողը դարձել է «Գլենդել Հիլզ» ՓԲԸ-ն: Շենքի սեյսմակայունությունը 9 բալ է: (Պետության ղեկավարը ներկա է եղել նաեւ նոր դպրոցի բացմանը, որը նախատեսված է 1080 աշակերտների համար: Նախատեսվում է կառուցել նաեւ 280 տեղանոց մանկապարտեզ: Հիշեցնենք, որ երկրաշարժից տուժածների համար բնակարանների կառուցման ծրագիրն սկսվել է 2008 թվականին եւ կտեւի մինչեւ 2013-ը: Ծրագրի արժեքը 85 միլիարդ դրամ է: Ծրագրի շրջանակում 3653 ընտանիքներ բնակարան են ստացել, 61-ն էլ լիազորագրեր բնակարաններ գնելու համար: 2812 ընտանիք աջակցություն են ստացել Գյումրիում, 185-ը` Սպիտակում, 45-ը` Ստեփանավանում, 611-ը` Լոռու մարզի գյուղերում: Եւս 74 ընտանիքի համար կառուցվում են բնակարաններ եւ քոթեջներ: | |
|
Մեկնաբանություններ: 0 | |