ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Մարտ » 1 » Shell. Գազն ու Արեւը կդառնան հիմնական էներգակիրներ

---

20:38 Shell. Գազն ու Արեւը կդառնան հիմնական էներգակիրներ

Նավթի նկատմամբ համաշխարհային պահանջարկն իր գագաթնակետին կհասնի 2035-2040 թվականներին, իսկ հիմնական էներգակիրներ կդառնան գազն ու արեւային էներգիան: Նման կանխատեսում է արված Shell նավթաին ընկերության՝ համաշխարհային էներգետիկային նվիրված հետազոտությունում: Հետազոտությունը նախատեսում է համաշխարհային էներգետիկայի զարգացման երկու սցենար, որոնք փորձագետներն անվանել են «Լեռներ» եւ «Օվկիանոսներ»: Առաջինը նախատեսում է, որ հիմնական էներգակիր պետք է դառնա բնական գազը, ինչը կարող է տեղի ունենալ արդեն 2030 թվականին: Երկրորդ սցենարը գլխավոր դերը տալիս է արեւային էներգիային, որը հիմնական էներգակիր կդառնա մոտ 2070 թվականին: Բացի այդ, երկու սցենարներն էլ նախատեսում են ածխաթթու գազի արտանետումների նվազում մինչեւ գրեթե զրոյական մակարդակի: Առաջին սցենարը ենթադրում է տնտեսական զարգացման չափավոր տեմպեր: Այդ կանխատեսման համաձայն, բնապահպանության տեսանկյունից առավել գերադասելի բնական գազը դուրս կմղի ածուխն էլեկտրաէներգետիկայից եւ ավելի լայն տարածում կստանա տրանսպորտի ոլորտում: Հարյուրամյակի ավարտին ճանապարհներով հիմնականում երթեւեկելու են թեթեւ ու բեռնատար ավտոմեքենաներ՝ հագեցած ջրածնային ու էլեկտրական շարժիչներով: Էլեկտրակայաններում, նավթավերամշակող գործարաններում եւ արդյունաբերական այլ օբյեկտներում լայնորեն կիրառվելու է ածխաթթու գազի արտանետումները որսալու տեխնոլոգիան, ինչը թույլ կտա մինչեւ 2060 թվականը զրոյականի հասցնել CO2-ի արտանետման մակարդակը: Մեկ այլ գործոն կդառնա ատոմային էներգետիկայի ոլորտի արագ աճը, որի բաժինն էլեկտրաէներգիայի համաշխարհային արտադրությունում 2060 թվականին կկազմի մոտ 30%: Այդ փոփոխությունների արդյունքում էներգետիկ համակարգում՝ սկսած 2030 թվականից, ջերմոցային գազերի արտանետումները կկրճատեն: Երկրորդ սցենարի համաձայն, հասարակության կողմից դիմադության ու պետական միջոցառումների ձեռնարկման ու տեխնոլոգիաների ներդրման դանդաղ գործընթացի արդյունքում կսահմանափակվի ատոմային էներգետիկայի զարգացումը եւ Հյուսիսային Ամերիկայից դուրս բնական գազի բաժնի աճը: Ածուխը կշարունակի լայնորեն օգտագործվել էլեկտրաէներգետիկայի սեկտորում: Չունենալով լուր քաղաքական աջակցություն՝ CO2-ի չեզոքացման տեխնոլոգիան դանդաղ է ներդրվելու: Հարյուրամյակի կեսերին տվյալ տեխնոլոգիան կօգնի չեզոքացնել ածխաթթու գազի ընդամենը 10%-ը: Նման ցածր տեմպերը պատճառ կհանդիսանան, որ «Օվկիանոսի» սցենարը 30 տարով հետ կման «Լեռների» սցենարից: Էներգակիրների բարձր գները կխթանեն բիովառելիքի արտադրությունը ու դժվարամատչելի նավթի արդյունահանումը: Նավթի պահանջարկը կշարունակի աճել նաեւ 2040 թվականից հետո, իսկ ավտոտրանսպորտային միջոցների մեծամասնությունը կշարունակի աշխատել հեղուկ վառելիքով:

1 2 3 4 5 Դիտումներ: 415 | Ավելացրեց: ArmFin | վարկանիշ: 5.0/1

Մեկնաբանություններ: 0