Գլխավոր ԷՋ
Բանկեր
Վարկային կազմակերպ
Մեր հարցը Ձեզ
ՎԻՃԱԿԱԳՐՈՒԹՅՈՒՆ
Օնլայն ընդամենը: 1
Հյուրեր: 1
Մասնակիցներ: 0
ՓՆՏՐԵԼ
ՄԵՐ ԳՈՐԾԸՆԿԵՐՆԵՐԸ
ՏԵՍԱՆՅՈՒԹԵՐ (VIDEO)
Լրահոսի արխիվ
ԳԼԽԱՎՈՐ » 2013 » Մայիս » 30 » Շվեյցարիան հրաժեշտ է տալիս բանկային գաղտնիքին
21:15 Շվեյցարիան հրաժեշտ է տալիս բանկային գաղտնիքին | |
Շվեյցարիան ներկայացրել է օրինագիծ, որը կարող է իրավական հիմքեր ստեղծվել երկրի բանկերի եւ ԱՄՆ իշխանությունների միջեւ այն վեճերի հանգուցալուծման համար, որոնք կվերաբերվեն հարկերի վճարումից խուսափող հաճախորդներին: Ինչպես հաղորդում է Finmarket.ru-ն, վկայակոչելով Bloomberg-ը, շվեյցարացի օրենսդիրները կքննարկեն նախագիծն ամառային նստաշրջանի ընթացքում՝ դրական արդյունքի դեպքում օրենքը կարող է ուժի մեջ մտնել հուլիսի 1-ին:
«Հարցի անհետաձգելիությունը պայմանավորված է նրանով, որ ԱՄՆ-ն այլեւս պատրաստ չէ սպասել շվեյցարական բանկերի հետ պայմանավորվածություններին: Եթե մոտ ժամանակներս որոշում չգտնվի, Շվեյցարիային սպառնում է լարվածության ուժգնացում», - ասված է Շվեյցարիայի կառավարության հայտարարության մեջ: Առաջին լուրջ քայլը թափանցիկության բարձրացման ուղղությամբ Շվեյցարիան արեց ս.թ. փետրվարին, համաձայնվելով FATCA-ի՝ ամերիկացի հարկատուների արտասահմանյան հաշիվների հարկային վերահսկման մասին ԱՄՆ-ի օրենքի պահանջներին: Նոր օրինագիծն, ըստ էության, Շվեյցարիայի հաջորդ քայլն է բանկային գաղտնիքից հրաժարվելու ճանապարհին: Փաստաթուղթը թույլատրում է շվեյցարական բանկերին համագործակցել ԱՄՆ պետական մարմինների հետ եւ փոխանցել պահանջվող տեղեկատվությունը: Շվեյցարական բանկերում եղած արտասահմանցիների միջոցների ծավալը հասնում է $2,8 տրիլիոնի: Գրեթե 80 տարի այս երկիրը պահպանում էր բանկային գաղտնիքը, որի մասին առաջին օրենքն ընդունվել էր 1934 թվականին: Աղբյուրը` banks.am | |
|
Մեկնաբանություններ: 0 | |