14:58 Սիրիան դադարել է Թուրքիայից էլեկտրաէներգիա գնել | |
 Թուրքիայի էնէրգետիկայի եւ բնական պաշարների նախարար Թաներ Յըլդըզը հայտարարել է, թե Սիրիան մեկ շաբաթ առաջ դադարել է Թուրքիայից էլէկտրաէներգիա գնել։Թուրքական Anadolu գործակալության փոխանցմամբ՝ Թուրքիայի էներգետիկ համաժողովի ժամանակ լրագրողները Թուրքիայի էներգետիկայի եւ բնական պաշարների նախարար Թաներ Յըլդըզից հետաքրքրվել են տարածաշրջանային վերջին իրադարձությունների համատեքստում ի՞նչ իրավիճակ է էներգետիկ համագործակցության ոլորտում։ Թաներ Յըլդըզը պատասխանել է, թե անկախ տարածաշրջանի զարգացումներից էներգետիկ ոլորտում առկա համագործակցությունները շարունակվում են՝ շեշտելով, որ իրանական եւ ադրբեջանական գազի մատակարարումը դեպի Թուրքիա նախորդ օրը դադարեցվել էր, սակայն ռուսական կողմը չէր մերժել թուրքական կողմի խնդրանքը եւ ավելացրել էր գազի առաքումը 1,5 անգամ։ Թուրք նախարարը, անդրադառնալով Սիրիայի հետ խնդրին, նշել է, թե Սիրիան մեկ շաբաթ առաջ դադարեցրել է էլեկտրաէներգիայի գնումը, սակայն պահանջի դեպքում Թուրքիան կվերսկսի մատակարարել։ | |
|
| |
| Մեկնաբանություններ: 0 | |
