ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Սեպտեմբեր » 20 » Թողարկվել են նոր հուշադրամներ

---

19:09 Թողարկվել են նոր հուշադրամներ

Հայաստանի Հանրապետության կենտրոնական բանկը «Հայկական վանքերը և եկեղեցիները»  միջազգային դրամագիտական ծրագրիշրջանակում թողարկել է արծաթե հուշադրամներ`  նվիրված Սուրբ Էջմիածնի Մայր Տաճարին, Գնդեվանքին եւ Նորավանքին: Բոլոր հուշադրամների դիմերեսի ձեւավորումը նույնն է: Հուշադրամների դիմերեսին պատկերված է Հայաստանի Հանրապետության զինանշանը:  Զինանշանից ներքև հուշադրամի անվանականարժեքն է` «1000 դրամ  dram»: Եզրաշուրթի մոտ  ներքեւում «REPUBLIC OF ARMENIA» մակագրությունն է, իսկ աջում  ուղղահայաց  մակագրված է   «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ»:   «Սուրբ Էջմիածնի Մայր Տաճար»      Հուշադրամի դարձերեսի կենտրոնում պատկերված է Սուրբ  Էջմիածնի Մայր Տաճարը: Եզրաշուրթի մոտ ուղղահայաց ձախում  հայերեն, իսկ աջում անգլերեն մակագրված են  համապատասխանաբար՝ «2012 ՍՈՒՐԲ ԷՋՄԻԱԾՆԻ ՄԱՅՐ  ՏԱՃԱՐ» եւ «MOTHER CATHEDRAL OF HOLY ETCHMIADZIN»:  Վերեւի անկյուններում եւ ներքևում պատկերված են                                                          զարդանախշեր:       «Գնդեվանք»    Հուշադրամի դարձերեսի կենտրոնում պատկերված է Գնդեվանքը:  Եզրաշուրթի մոտ ուղղահայաց ձախում հայերեն, իսկ աջում անգլերեն  մակագրված են համապատասխանաբար՝ «2012 ԳՆԴԵՎԱՆՔ» եւ  «GNDEVANK MONASTERY»: Վերեւի անկյուններում եւ  ներքևում  պատկերված են զարդանախշեր:   «Նորավանք»      Հուշադրամի դարձերեսի կենտրոնում պատկերված է Նորավանքը:  Եզրաշուրթի մոտ ուղղահայաց ձախում հայերեն, իսկ աջում անգլերեն  մակագրված են համապատասխանաբար՝ «2012 ՆՈՐԱՎԱՆՔ» եւ  «NORAVANK MONASTERY»: Վերեւի անկյուններում եւ ներքևում  պատկերված են զարդանախշեր:   Բոլոր հուշադրամներն ունեն նույն տեխնիկական բնութագիրը եւ դրանց պատրաստման համար օգտագործվել են գունավոր ներկեր: Հուշադրամները թափանցիկ պատիճներով եւ իսկության  հավաստագրերովտեղադրված են տուփերում:  Հուշադրամների նախագծի հեղինակն է «Coin Invest Trust» ընկերությունը (Լիխտենշտեյն): Հուշադրամները հատվել են «Մայեր»դրամահատարանում (Գերմանիա):     Հուշադրամների բնութագիրը.   Անվանական արժեքը               1000 դրամ Մետաղը և հարգը                    արծաթ, 9250 Քաշը                                        25,0 գ Չափսերը                               27,0 x 47,0 մմ Դրամաշուրթը                         ատամնավոր Ձեւը                                        ուղղանկյուն Որակը                                     պրուֆ Տպաքանակը                          յուրաքանչյուրից 2500 հատ ԿԲ հասարակայնության հետ կապերի ծառայություն

1 2 3 4 5 Դիտումներ: 425 | Ավելացրեց: ArmFin | վարկանիշ: 5.0/1

Մեկնաբանություններ: 0