Նրա խոսքով, Մաքսային միության դեպքում խոսքը միայն ընդհանուր սահմանների բացակայության մասին չէ: «Հայաստանի առանձնահատկություն կայանում է նրանում, որ մեր տնտեսությունը լրջորեն տարբերվում է Մաքսային միության երկրների տնտեսությունների կառուցվածքից, որտեղ կան էներգառեսուրսների զգալի պաշարներ եւ որտեղ իրականացվում է հայրենական արտադրողնեի պաշտպանության քաղաքականություն բավական բարձր մաքսային դրույքների միջոցով: Ընդհանուր առմամբ Մաքսային միությունում մաքսերը երկու անգամ բարձր են, քան Հայաստանում: Հայաստանը ԱՊՀ առաջին երկրներից է, որ դարձել է Առեւտրի համաշխարհային կազմակերպության անդամ, եւ դա որոշակի առանձնահատկություն է հաղորդում Մաքսային միության հետ մեր հարաբերություններին: Ուստի հարկավոր է գտնել ՄՄ հետ մեր փոխգործակցության ձեւաչափն ու առավել արդյունավետ գործիքները»,- նշել է նա:

Խոսելով հայ-ռուսական հարաբերությունների մասին` Տիգրան Սարգսյանը նկատել է, թե դրանք այսօր ռազմավարական փոխգործակցության մակարդակի վրա են` հաշվի առնելով մեր երկրների ժողովուրդների պատմական ընդհանրությունները: «Մենք տեսնում ենք, որ Ռուսաստանը շահագրգռված է Կովկասում ի դեմս Հայաստանի ուժեղ դաշնակից ունենալու մեջ: Մեր տնտեսության մեջ նեդրումներով Ռուսաստանը զբաղեցնում է առաջին տեղը, էլ չասած համագործակցությունը ռազմական ոլորտում»,- ասել է վարչապետը: