Տնտեսական մրցակցության պաշտպանության պետական հանձնաժողովը շարունակում է դեռևս նախորդ տարվանից սկսված մարզային այցերը: Հուլիսի 24-ին աշխատանքային խումբը կլինի Վանաձորում, իսկ հուլիսի 25-ին` Աշտարակում:

Հանձնաժողովի մասնագետները շրջայց կկատարեն Վանաձորում և Աշտարակում՝ ծանոթանալու սպառողական շուկայում տիրող իրավիճակին:

Չենք կարող կանխատեսել, թե այս 4 օրում արդեն իրազեկված առևտրի կետերը ի՞նչ «սրբագրումներ» կհասցնեն կատարել, սակայն փորձագետները խոշոր առևտրի կետերում կիրականացնեն մոնիտորինգ, կտեղեկանան սպառողների խնդիրներին և կուսումնասիրեն՝ արդյոք առկա՞ են օրենքի հնարավոր խախտումներ, թե ոչ:

Խախտումներ հայտնաբերելու դեպքում ՏՄՊՊՀ մասնագետները կձեռնարկեն համապատասխան միջոցներ: