17:13 ՏՄՊՊՀ-ն իրավասու է պատժել օտարերկրյա ավիաընկերություններին. Արտակ Շաբոյան | |
 Եթե Հայաստանի ավիացիայի ոլորտում մրցակցային խնդիրներ բացահայտվեն, ապա մեղավորները պատասխանատվության կենթարկվեն՝ անկախ նրանից, ռեզիդե՞նտ են, թե՝ ոչ: Այդ մասին ասաց ՏՄՊՊՀ նախագահ Արտակ Շաբոյանը: Նրա խոսքով՝ ՀՀ տարածքում գործունեություն իրականացնող օտարերկրյա ընկերությունները պարտավոր են պահպանել ՀՀ օրենսդրության պահանջները: «Եթե պատասխանատվության կիրառման ընթացքում խնդիրներ առաջանան՝ կհամագործակցենք համապատասխան երկրի մրցակցային մարմնի մեր գործընկերների հետ»,- ասաց Ա. Շաբոյանը: ՏՄՊՊՀ նախագահը նաեւ նշեց, որ ներկայում ՏՄՊՊՀ-ն ավիացիայի ոլորտում մրցակցային խնդիրների վերաբերյալ համապարփակ ուսումնասիրություն է իրականացնում, որի արդյունքները մոտ 1 ամսից կներկայացվեն ՀՀ կառավարությանը: Դա թույլ կտա կառավարությանը՝ ավիացիայի ոլորտում ընտրել լավագույն մոդելը; Ուսումնասիրությունն իրականացվում է Համաշխարհային բանկի օժանդակությամբ, USAID փորձագետի մասնակցությամբ; Ինչ վերաբերում է ավիատոմսերի թանկացումներին, Ա. Շաբոյանն ասաց, որ ակտիվորեն համագործակցում են ՀՀ կառավարությանն առընթեր քաղավիացիայի վարչության հետ, ու այնտեղից ստացված տեղեկատվության համաձայն՝ ներկայում ավիատոմսերի գները ետ են եկել նույն մակարդակին, ինչ կար մինչ «Արմավիայի» կողմից թռիչքների դադարեցումը: | |
|
| |
| Մեկնաբանություններ: 0 | |
