«ՎՏԲ-Հայաստան Բանկ» ՓԲԸ տրամադրել է ֆինանսավորում 'Էկոտոմատո» ՓԲԸ, որը զբաղվում է վարդերի արտադրությամբ և Հայաստանից նրանց արտահանմամբ: Ստացված ֆինանսավորումը կուղղվի նոր ծաղկային ջերմոցների տնտեսության շինարարությանը և «Dalsem» հոլանդական ընկերությունից սարքավորումների ձեռք բերմանը:

«Էկոտոմատո» ՓԲԸ հիմնադրվել է 2011թ.-ին: Ներկա դրությամբ գործող ջերմոցի տարածքը կազմում է 2 հա, չնայած ծաղիկների մեծ և անընդհատ աճող պահանջարկին ինչպես ՀՀ տարածքում, այնպես էլ նրա սահմաննեից դուրս Ընկերությունը որոշում է կայացրել կառուցել երկրորդ ջերմոցը` 3 հա տարածքով:

«ՎՏԲ-Հայաստան Բանկ»ՓԲԸ Գլխավոր տնօրեն-Տնօրինության նախագահի ժ/պ` ՅուրիԳուսև, - «Մենք մեծ տեղ ենք հատկացնում միջին բիզնեսի զարգացմանը և, ֆինանսավորելով նմանատիպ նախագծեր, նպաստում ենք արտահանման գործունեության զարգացմանը Հայաստանում: Տվյալ պարագայում դա «Էկոտոմատո» ՓԲԸ նախագծի ֆինանսավորումն է` ուղղված բարձրորակ վարդերի արտադրությանը ժամանակակից հոլանդական տեխնոլոգիաներով: «ՎՏԲ-Հայաստան բանկ» ՓԲԸ համար սա առաջին փորձն է տվյալ ոլորտում, և մենք հուսով ենք, որ Հայաստանում գյուղատնտեսության զարգացման էական պոտենցիալի առկայության դեպքում այսուհետ նմանատիպ նախագծերը կլինեն բավականին շատ: Ցանկանում եմ նշել, որ նշյալ ֆինանսավորմանը մեր բանկի հետ համատեղ մասնակցել է նաև «Արդշինինվեստբանկ» ՓԲԸ: Կարելի է ասել, որ ՀՀ բանկային համակարգում սա առաջին գործարքն է, որտեղ երկու առևտրային բանկեր միավորել են իրենց ուժերը և համատեղ ֆինանսավորել նշյալ բիզնես նախագիծը, որը արդյունավետորեն զարգանում է արտահանման ծառայությունների շուկայում»: 

«Էկոտոմատո» ՓԲԸ տնօրեն` Արսեն Սանդոյան, -«2011թ. մայիսից «Էկոտոմատո» ՓԲԸ զբաղվում է հոլանդական վարդերի աճեցմամբ, ներկա դրությամբ ողջ անդրկովկասում մենք հանդիսանում ենք միակ կազմակերպությունը, որը զբաղվում է նման գործունեությամբ: Այս տարի մենք որոշել ենք ընդլայնել մեր արտադրությունը` սկսելով ևս մեկ ջերմոցի շինարարություն, ինչը հնարավորություն կտա կրկնապատկել արտադրությունը  (մինչև 6-7 մլն տարեկան): Բանկի կողմից ստացված ֆինանսավորումը կուղղվի հոլանդական «Dalsem» ընկերությունից հատուկ տեխնիկայի ձեռք բերմանը: Մենք ուրախ ենք սկիզբ դնել տվյալ փոխշահավետ համագործակցությանը և հուսով ենք, որ ժամանակի ընթացքում այն ձեռք կբերի ավելի բարիադրացական և շարունակական բնույթ:

Ներկա դրությամբ Էկոտոմատո ընկերությունը արտադրում է 9 տեսակ վարդ, որոնցից առավել պահանջարկ ունեն այնպիսի տեսակներ, ինչպիսին են White Naomi, Peni Lane, Red Naomi, Sweat Dolomiti: Էկոտոմատոյի վարդերը իրացվում են ոչ միայն Հայաստանում, այլ ՀՀ սահմաններից դուրս` հիմնականում նախկին ԽՍՀՄ երկրներում, Վրաստանում ինչպես նաև Եվրոպայում»: