21:32 ՎՏԲ-Հայաստան Բանկի ֆինանսավորմամբ Երևանում ընթանում է «Yerevan Mall» առևտրի և զվարճանքի կենտրոնի շինարարությունը | |
 «ՎՏԲ-Հայաստան Բանկ» ՓԲԸ «Ամերիաբանկ» ՓԲԸ հետ համատեղ ֆինանսավորում է Երևանում տեղակայված «Yerevan Mall» առևտրի ևզվարճանքի կենտրոնի շինարարությունը:Առևտրի համալիրը, որի ընդհանուր մակերեսը կազմելու է 66 հազ. 939 ք/մ, տեղակայված է Երևան քաղաքի Արշակունյաց պողոտայում: Այն բաղկացած է լինելու երկու վերգետնյա և երկու ստորգետնյա (ավտոկայանատեղի) հարկերից, որտեղ տեղակայված են լինելու տեխնիկայի և էլեկտրոնիկայի, բրենդային հագուստի խանութներ, զվարճանքի կենտրոններ (խաղահրապարակներ, ատրակցիոններ), ռեստորաններ, սրճարաններ, ոսկյա իրերի խանութներ, ինչպես նաև խոշոր մթերային սուպերմարկետ: Կառույցի շինարարությունը սկսվել է 2010թ.: Այս պահին ավարտվել է երկաթբետոնե կոնստրուկցիաների շինարարությունը, կատարվում են ինժեներական, մոնտաժային և հարդարման աշխատանքներ: ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսև. «Ձեռնարկատերերին ուղված ֆինանսական օգնությունը մեր ռազմավարական խնդիրներից մեկն է: ՎՏԲ-Հայաստան Բանկը պատրաստ է աջակցել բիզնեսի զարգացմանը` տրամադրելով որակյալ բանկային ծառայություններ և սպասարկման ձեռնտու պայմաններ: «Yerevan Mall» առևտրի կենտրոնի շինարարության վարկավորումը թույլ է տալիս ակտիվ մասնակցություն ունենալ Երևանի առևտրատնտեսական զարգացման գործում և գործընկերների հետ համագործակցությունը դուրս բերել նոր մակարդակ»: «Yerevan Mall» առևտրի և զվարճանքի կենտրոնի շինարարությունն իրականացնում է «Շին Տավր» ՓԲԸ, որը հիմնվել է 2007թ.: | |
|
| |
| Մեկնաբանություններ: 0 | |
