Գլխավոր ԷՋ
Բաժիններ
| Արտարժույթի մասին [2] |
| Բիզնես [5] |
Բանկեր
Վարկային կազմակերպ
Մեր հարցը Ձեզ
ՎԻՃԱԿԱԳՐՈՒԹՅՈՒՆ
Օնլայն ընդամենը: 2
Հյուրեր: 2
Մասնակիցներ: 0
ՓՆՏՐԵԼ
ՄԵՐ ԳՈՐԾԸՆԿԵՐՆԵՐԸ
ՏԵՍԱՆՅՈՒԹԵՐ (VIDEO)
Լրահոսի արխիվ
| Главная » Статьи » Այլ հարցազրույցներ » Բիզնես |
«Որ պետությունը չդառնա страна дураков». Հրանտ Վարդանյան
 Պարոն Վարդանյան, վերջերս Վրաստանում՝ Ջավախքում, ինձ հյուրասիրեցին «Գրանդ Քենդի»-ի պաղպաղակ՝ վրան վրացերենով գրված: Երբ փորձեցի ասել, թե չլինի՞ մեր արտադրանքը կեղծում եք, ինձ ասացին, որ կեղծելու մասին խոսք չկա: Ինձ պատմեցին, որ Դուք Վրաստանում արտադրամաս եք հիմնել, տեղում պաղպաղակ եք արտադրում, որքանո՞վ է դա համապատասխանում իրականությանը: Վրաստանում արտադրամաս չունենք, այստեղ՝ Հայաստանում, արտադրում ենք, հետո արտահանում ենք Վրաստան: Դե, իրենց օրենքն է այդպես՝ իրենց բառերով, իրենց տառերով ու էտիկետկայով ուղարկում ենք Վրաստան: «Գրանդ Քենդի»-ն Ջավախքում արտադրամաս չունի՞: Չէ՛, արտադրամաս չի, մենք այնտեղ բազա ունենք՝ սառնարաններ, բայց արտադրանքը Հայաստանում է արվում: Ջավախքից բացի՝ Բաթումի էլ ենք ուղարկում, Քոբուլեթի, ամեն տեղ…. Պարոն Վարդանյան, գնալով շատանում են խոսակցություններն այն մասին, թե կա բիզնեսի հոսք Հայաստանից դեպի Վրաստան: Որո՞նք են Վրաստանի բիզնես միջավայրի առավելությունները: Եթե որևէ ոլորտում որևէ բիզնեսմենի ձեռնտու լինի, օրինակ, ասենք՝ արտադրությունը կազմակերպել Կամչատկայում, ուրեմն նա անպայման կգնա Կամչատկա: Դա կապված է հարկերի, մաքսատուրքերի, տիրող ընդհանուր մթնոլորտի և բազմաթիվ այլ բաների հետ: Հիմա եթե ձեռնտու է Վրաստանում արտադրել, ուրեմն այնտեղ կարտադրենք: Առաջին դեմքով եք խոսում, նման մտադրություն ունե՞ք: Հիմա եթե սիգարետի հարցում մեզ շատ նեղեն, իսկ ոնց որ թե այդպես են անում, նույն մեր «Ախթամար»-ը , «Արարատ»-ը և մյուս տեսակները կարտադրենք Ռուսաստանում, Վրաստանում կամ Կիպրոսում, կներմուծենք Հայաստան: Ոնց որ հիմա Հայաստանից ենք էքսպորտ անում աշխարհի տարբեր մասեր, այն ժամանակ էլ դրսից կներմուծենք Հայաստան: Մենք բիզնեսմեն ենք, հասկանում եք: Իսկ Ձեզ այստեղ նեղո՞ւմ են: Դե, արդեն 3-4 տարի է, ինչ նեղում են, էդ պրոցեսը գնում է վարչապետի գլխավորությամբ: Իսկ ի՞նչն է խնդիրը, ինչո՞ւ են նեղում: Երկար պատմություն է … հարկերն են ավելացրել, մեզ բերել հավասարեցրել են տրանսնացիոնալների հետ, տեղական արտադրողի համար ավելի վատ պայմաններ են ստեղծել, քան ներմուծողի: Հիմա Հայաստանում սիգարետ ներմուծողը ավելի լավ պայմաններ ունի, քան թե ես, որ արտադրող եմ: Իսկ, օրինակ, եթե գնաք Վրաստան, Ձեզ այնտեղ հարկային արտոնություններ կտա՞ն: Արտոնություններ հարկավոր չի, պետք է ճիշտ հարկային դաշտ լինի: Վրաստանում, եթե խորը ուսումնասիրենք, ինձ թվում է՝ հարկային և մաքսային բարենպաստ դաշտ կա: Վերադառնանք ծխախոտին՝ Հայաստանում հիմա ավելի մեծ է տեղական, թե՞ ներմուծված սիգարետի սպառման ծավալը: Արդեն մոտավորապես հավասար է, մի ժամանակ հարաբերակցությունը 60/40 էր՝ հօգուտ տեղականի, հիմա արդեն 50/50 ենք, դեռ մերը մի քիչ էլ ավելի քիչ է սպառվում: Այսինքն՝ հարկային քաղաքականության հետևանքով Դուք կորցնու՞մ եք ներքին շուկան: Բնականաբար: Ասացիք՝ վարչապետի ղեկավարությամբ է այդ ամենն արվում, բայց մյուս կողմից կառավարությունն ու վարչապետը մշտապես խոսում են տնտեսական ճգնաժամից դուրս գալու, տնտեսության ծավալների աճի ու զարգացման մասին… Ավելի լավ է՝ իրեն հարցրեք, թող բացատրի, թե ինչո՞ւ են 60 կամ 100-դրամանոց սիգարետները հարկվում են նույն չափով, ինչ-որ, ասենք, 600-700-դրամանոցները: Ձեր կարծիքով՝ ո՞րն է դրա բացատրությունը կամ տրամաբանությունը: Դե, մերն ուրիշ ա /ծիծաղում է-խմբ./ … Ձեր գնահատմամբ՝ դա կառավարության ու վարչապետի կողմից կոնկրետ Ձեր բիզնեսի ու անձի դեմ ուղղված քայլ է, թե՞ ընդամենը տնտեսական քաղաքականաության հետևանք: Ինձ թվում է՝ միամտության հետևանք է: Միամիտն էլ կառավարությունն ու վարչապե՞տն են: Հասկանում եք, ամեն մարդ պետք է իր տեղում լինի: Լավ բանկիրը դեռ չի նշանակում լավ վարչապետ: Նույն ձևով լավ վարչապետը միշտ չի, որ կարող է լավ բանկիր լինել: Սիգարետ ներմուծողների մատը որքանո՞վ է խառը այս ամենին: Ներմուծողի և արտադրողի միջև մրցակցություն միշտ էլ եղել է, բայց դա եղել է կոռեկտ ու նորմալ պայմաններում: Իսկ հիմա այդ մրցակցության պայմանները ոչ նորմալ են: Պարոն Վարդանյան, որքանով տեղյակ եմ, Ձեր արտադրած սիգարետը առավել մատչելի է, քան ներմուծվածը, զարմանալի չէ՞, որ սպառման ծավալները գրեթե հավասար են: Հիմա արդեն ցածր գնի սիգարետ նույնպես ներմուծվում է: Ստացվում է, որ եթե հարկային քաղաքականությունը ի նպաստ Ձեզ լինի, հատկապես դրսից ներմուծվող էժանագին սիգարետներն այլևս մրցունակ չեն լինի… Այո՛, այդպես է: Դուք նաև կոնֆետի արտադրություն ունեք: Ինչո՞վ եք բացատրում, որ նույն բանը չի արվում կոնֆետների դեպքում՝ այսինքն՝ Ձեր բառերով ասած՝ ներմուծողի և արտադրողի միջև ոչ նորմալ մրցակցային պայմաններ սահմանելու մասին է խոսքը: Համարյա նույն բանն էլ կոնֆետի ոլորտում է արվում: Այսինքն՝ կոնֆետի արտադրության դեպքում ևս «Գրանդ Քենդին» և կոնֆետ ներմուծողը նույն հարկային ռեժիմո՞վ են հարկվում: Այո, իհա’րկե, բայց մեր արդյունքները շատ լավն են: Մենք դեռ կարողանում ենք պայքարել և՛ տրանսնացիոնալների դեմ, և՛ մեր երկրի անհասկանալի որոշումների դեմ, և՛ որոշ պաշտոնյաների անհասկանալի տեսակետների դեմ…. Մի օրինակ բերեմ. 8 ամսվա կտրվածքով մենք 172 կանտեյներ սիգարետ ենք արտահանել, իսկ նույն ժամանակահատվածում ներմուծվել է մոտավորապես 140 կանտեյներ սիգրետ: Սա նշանակում է, որ անկախ Հայաստանի պատմության մեջ առաջին անգամ սիգարետի սալդոն դրական է՝ հօգուտ տեղական արտադրանքի: Մենք արտահանում ենք մոտ 20 երկիր: Ներքին շուկայում, որքան նկատել եմ, «Գրանդ Քենդիի» հիմնական մրցակիցը Ուկրաինայից ներմուծված կոնֆետներն են… Եկեք ճշտում անենք՝ ուկրաինական ետ հանձնած կոնֆետները: Կոնֆետի արտադրության մեջ կա այսպիսի գաղափար. երբ կոնֆետը սահմանված ժամկետում չի վաճառվում, խանութները և վաճառքի կետերը դա ետ են հանձնում արտադրողին: Ձեզ մի փոքր գաղտնիք ասեմ՝ Ուկրաինայում սահմանված ժամկետում չվաճառված կոնֆետները հետ են հանձնում արտադրողին, իսկ մերոնք դա շատ էժան գներով առնում են ու բերում հրամցնում են մեր ժողովրդին: Դուք շատ լուրջ մեղադրանք եք հնչեցնում, մաքսային ծառայությունը օրենքով չպիտի թույլ տա, որ ժամկետնաց ապրանքը մուտք գործի մեր երկիր: Կոնֆետների էտիկետկաները և թղթերը փոխում են, հետո են բերում: Միևնույնն է, ես կարծում եմ, որ առաց մաքսային ծառայության հետ համագործակցելու նման բան չեն կարող անել: Կարող են, իհա՛րկե կարող են, ամեն ինչ էլ հնարավոր է՝ ցանկություն լինի: Կոնֆետի ներմուծման ոլորտում բիզնես դաշտը մրցակցայի՞ն է, թե՞ մոնոպոլացված է: Եթե հետաքրքրվեք,կարծում եմ՝ միանգամից կպարզեք: Իմ ունեցած տեղեկություններով՝ մոնոպոլացված է՝ մի մարդ է զբաղվում այդ բիզնեսով: Իհա՛րկե այդպես է: Մեկ այլ տեղեկություն էլ ունեմ՝ պետեկամուտների ծառայության վերնախավին է վերագրվում այդ բիզնեսը: Ինձանից մի փորձեք խոսք քաշել, ինքներդ պարզեք: Ի՞նչ կուզեիք ավելացնել: Մենք բոլորս պարտավոր ենք պահել երկրի և պետության շահը, պարտավոր ենք անել ամեն ինչ, որ մեր երկիրը կամ պետությունը չդառանա страна дураков: Hayeli.am
| |
| Просмотров: 709 | Рейтинг: 5.0/1 |
| Всего комментариев: 0 | |
