ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Սեպտեմբեր » 4 » «ԱրմԹեք» համաժողովին բազմաթիվ անակնկալներ են խոստանում

---

21:45 «ԱրմԹեք» համաժողովին բազմաթիվ անակնկալներ են խոստանում

Բարձր տեխնոլոգիաների ոլորտի 5-րդ ամենամյա «ԱրմԹեք» համաժողովն այս տարի կկայանա նոյեմբերի 14-15-ին՝ Սիլիկոնյան հովտի Սթենֆորդի համալսարանում: «ԱրմԹեք»-ը Սիլիկոնյան հովտում արդեն երրորդ անգամ է անցկացվելու:  ՀՀ էկոնոմիկայի նախարար Տիգրան Դավթյանն այսօր լրագրողների հետ հանդիպմանը հայտնեց, որ ընտրվել է Սիլիկոնյան հովիտը, որտեղ կենտրոնացված են համաշխարհային գլոբալ տեղեկատվական տեխնոլոգիաների ընկերությունները:  «Սա այն հարթակն է, որտեղից ավելի լսելի կլինի Հայաստանի ձայնը, և ավելի շատ արտասահմանյան գործընկերների կներգրավենք համաժողովում: Դա լրացուցիչ պատասխանատվություն է և լրացուցիչ ջանքեր է պահանջում»,- ասաց նախարարը:  Նշելով, որ համաժողովն անցկացվելու է ՀՀ վարչապետի հովանու ներքո, նախարարն ակնարկեց, որ համաժողովին սպասվում է նաև «բարձր մասնակցություն»:  Տ. Դավթյանը նշեց, որ համաժողովի կազմակերպման համար ֆինանսական ծախսերի 10-15%-ը կապահովվի պետության կողմից, մնացածը՝ մասնավոր հատվածի. ընդհանուր ծախսը մոտ 150 հազար դոլար կկազմի: Արդեն մոտ 10 ընկերության մասնակցության հայտ է ընդունվել: Համաժողովի ընթացքում տեղի կունենա նաև Սիլիկոնյան հովտում ՀՀ ներկայացուցչության բացումը: Ըստ նախարարի՝ գրասենյակի երկարակեցությունը պայմանավորված կլինի դրա աշխատանքով՝ որքան պատվերներ լինեն, այնքան էլ գրասենյակը կգործի: Արդեն հայտարարվել է ներկայացուցչի ընտրության մրցույթը, որը կամփոփվի մինչև նոյեմբեր: Ձեռնարկությունների ինկուբատոր հիմնադրամի տնօրեն Բագրատ Ենգիբարյանը հայտնեց, որ համաժողովի ֆորմատում էական փոփոխություն կա՝ Հայաստանը ներկայացվելու է միջազգային կազմակերպություններին, նաև նորաստեղծ կազմակերպությունների ներկայացուցիչներին՝ խրախուսելով գալ Հայաստան:  «Կլինեն այցելություններ կազմակերպություններ, ՀՀ-ն կներկայացվի որպես «տեխնոլոգիական երկիր, համաշխարհային արժեքներ ստեղծող երկիր»,- ասաց նա:  Համաժողովին կմասնակցեն նաև ներկայացուցիչներ Ավստրալիայից, Լատինական Ամերիկայից, Ասիական շատ երկրներից: Բ. Ենգիբարյանը շատ անակնկալներ խոստացավ համաժողովի ընթացքում: «Վիասֆեր» տեխնոպարկի նախագահ Թոնի Մորոյանը կարևորեց Սիլիկոնյան հովտում ՀՀ ներկայացված լինելը. «Կառավարությունը այնտեղ պետք է պատրաստված գա»:

1 2 3 4 5 Դիտումներ: 369 | Ավելացրեց: ArmFin | վարկանիշ: 0.0/0

Մեկնաբանություններ: 0