ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Մայիս » 19 » Բիլ Գեյթսը կրկին աշխարհի ամենահարուստն է

---

14:05 Բիլ Գեյթսը կրկին աշխարհի ամենահարուստն է

Ամերիկյան Microsoft ընկերության հիմնադիր Բիլ Գեյթսը վերականգնել է աշխարհի ամենահարուստ մարդու կոչումը` համաձայն Bloomberg գործակալության «միլիարդատերերի վարկանիշի»: Վերջին անգամ Գեյթսը այդ վարկանիշային աղյուսակի առաջին հորիզոնականում էր հայտնվել 2007 թվականին: «Մայիսի 16-ին 57-ամյա Գեյթսի կարողությունը հասել է 72,7 միլիարդ դոլարի` շուրջ 10 միլիարդով ավելի, քան նախորդ տարի»,- հաղորդում է Vesti.ru-ն: Այդ կերպ, նա ավելի քան 550 մլն դոլարով առաջ է անցել աշխարհի ամենահարուստ մարդկանց վարկանիշային աղյուսակի երկրորդ հորիզոնականը զբաղեցնող մեքսիկացի մեդիամագնատ Կարլոս Սլիմից: 73-ամյա Կարլոս Սլիմի կարողությունը, ով տնօրինում է America Movil լատինաամերիկյան հեռահաղորդակցության կայսրությունը, հիմա գնահատվում է 72,1 մլրդ դոլար (2013թ. սկզբին այն նվազել է 2 մլրդ դոլարով): Դա հիմնականում պայմանավորված է այն հանգամանքով, որ 2013թ. ապրիլին Մեքսիկայի կոնգրեսը օրենք է ընդունել` նպատակ ունենալով սահմանափակել America Movil-ի մենաշնորհը: «Միլիարդատերերի ցանկում» 3-րդ տեղը զբաղեցրել է ամերիկյան ներդրող Ուորեն Բաֆեթը, ում կարողությունը գնահատվում է 59,6 միլիարդ դոլար: Նրան հաջորդում է Inditex (56 միլիարդ դոլար) առեւտրային կայսրության հիմնադիր Ամանսիո Օրտեգան, իսկ 5-յակը փակում է IKEA կոնցեռնի հիմնադիր Ինգվար Կամպրադը 55,5 միլիարդ դոլարով: Bloomberg գործակալության վարականիշային աղյուսակում ներառված է 100 անուն:

1 2 3 4 5 Դիտումներ: 442 | Ավելացրեց: ArmFin | վարկանիշ: 5.0/1

Մեկնաբանություններ: 0