ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2014 » Փետրվար » 12 » ՑՈՒԿԵՐԲԵՐԳՆ ԱՄԵՆԱԱՌԱՏԱՁԵՌՆ ԲԱՐԵԳՈՐԾՆ Է

---

21:53 ՑՈՒԿԵՐԲԵՐԳՆ ԱՄԵՆԱԱՌԱՏԱՁԵՌՆ ԲԱՐԵԳՈՐԾՆ Է

Facebook-ի հիմնադիր Մարկ Ցուկերբերգը և նրա կինը՝ Պրիսցիլլա Չանը ճանաչվել են 2013-ի ամենաշռայլ մեկենասներ: Ցուկերբերգը Սիլիկոնե հովտի ոչ առևտրային կազմակերպությանը նվիրաբերել է ավելի քան 970 մլն դոլար արժեքով Facebook-ի 18 մլն  բաժնետոմս: Այս մասին հայտնում է Chronicle of  Philanthropy պարբերականը: Ցուկերբերգի  նվիրատվությունը խոշորագույնն էր անցած տարում և  այն երիտասարդ զույգին դարձրել է ամսագրի  ամենամյա վարկանիշի առաջատար: Նշենք, որ պարբերականը հրապարակում է 50 ամենաշռայլ ամերիկացիների անունները: Պարբերականի վարկանիշով երկրորդ տեղը զբաղեցրել է հանգուցյալ միլիարդատեր և թերթաքարային գազի արդյունահանման ոլորտի առաջամարտիկ Ջորջ Միտչելը, երրորդը՝ Nike-ի տնօրենների խորհրդի նախագահ Ֆիլիպ Նայթը և նրա կինը՝ Պենելոպեն: Մեկենասների կողմից նվիրաբերված ընդհանուր գումարը կազմել է 7.7 մլրդ դոլար, իսկ հայտարարված նվիրատվությունները հասել են 2.9 մլրդ դոլարի: Ինչպես նշում են վարկանիշը կազմողները, ոչ պակաս կարևոր փաստ է դարձել մեկենասների նվիրատվության ամբողջ գումարը, այն 2013-ին 4 տոկոսով գերազանցել է 2012-ի ցուցանիշը: Վարկանիշը կազմողներն ընդգծում են, որ նման միտումը վկայում է նաև տնտեսության առողջացման, ինչպես նաև՝ այն մասին, որ մարդիկ իրենց հանգիստ են զգում:

1 2 3 4 5 Դիտումներ: 483 | Ավելացրեց: ArmFin | վարկանիշ: 5.0/1

Մեկնաբանություններ: 0