ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Սեպտեմբեր » 12 » Ցուկերբերգը Facebook-ի բաժնետոմսերի գնանկումն անվանել է «հիասթափեցնող»

---

16:12 Ցուկերբերգը Facebook-ի բաժնետոմսերի գնանկումն անվանել է «հիասթափեցնող»

Facebook սոցցանցի հիմնադիր Մարկ Ցուկերբերգն ընկերության բաժնետոմսերի գնի անկումն անվանել է «հիասթափեցնող»: Բաժնետոմսերի գինը գրեթե կիսով չափ ընկել է: Այս մասին սեպտեմբերի 11-ին հայտնել է Agence France-Presse-ը: Facebook-ի հիմնադիրը նաև նշել է, որ չնայած բաժնետոմսերի գնի անկմանը` ընկերությունը մտադիր է «շարունակել կատարել ամբողջ աշխարհի մարդկանց միջև կապերի ամրապնդման իր առաքելությունը»: Նա հայտնել է, որ մոտ ժամանակներս Facebook-ը կկենտրոնանա հեռախոսային հավելվածների զարգացման վրա, ինչը ներդրողներին նշանակալի եկամուտ կբերի: Nasdaq բորսայում Facebook-ի բաժնետոմսերն առաջին անգամ տեղադրվել են 2012-ի մայիսի 18-ին, երբ ամեն արժեթուղթը գնահատվում էր 38 դոլար: Առաջին օրը ընկերության արժեթղթերի գինն աճեց, սակայն դրանից հետո այն մինչ օրս անընդհատ ընկնում է: Սեպտեմբերի 4-ին մեկ արժեթղթի գինն ընկավ` ներկայումս հասնելով ամենցածր գնին` 18 դոլար: Սեպտեմբերի 5-ին Ցուկերբերգի հայտարարությունից հետո, որ ինքն անձամբ ընթացիկ տարում չի պատրաստվում վաճառել իր բաժնետոմսերը, դրանց գինը բարձրացավ մոտ 5 տոկոսով: Սեպտեմբերի 11-ին շուկայի փակման ժամանակ մեկ բաժնետոմսն արժեցել է 19,43 դոլար:

1 2 3 4 5 Դիտումներ: 411 | Ավելացրեց: ArmFin | վարկանիշ: 0.0/0

Մեկնաբանություններ: 0