15:08 ԴԱՀԿ-ն ավելացրել է բռնագանձումները | |
 Հայաստանի Հանրապետության արդարադատության նախարարության դատական ակտերի հարկադիր ծառայությունը (ԴԱՀԿ) 2012 թ. բռնագանձել եւ վերականգնել է 15,5 մլրդ դրամ՝ նախորդ տարվա 14,3 մլրդ դրամի համեմատ; Այդ մասին այսօր՝ հունվարի 25-ին լրագրողների հետ հանդիպման ժամանակ ասաց ՀՀ գլխավոր հարկադիր կատարող Միհրան Պողոսյանը:Բռնագանձումների աճը, այսպիսով, կազմել է 8%: Ըստ Մ. Պողոսյանի՝ բռնագանձումների աճի մեջ «ոչ մի լավ բան չկա», իսկ կատարողական վարույթների աճը մասամբ նաեւ հետեւանք է սոցիալական իրավիճակի: 2012 թ. ԴԱՀԿ-ի կատարողական վարույթների թիվը աճել է մոտ 15%-ով՝ հասնելով 120 հազարի: ԴԱՀԿ-ի կատարողական վարույթներն ավելացել են նաեւ մարզերում, որտեղ ռեկորդակիրը Կոտայքի մարզն է՝ 3 մլրդ դրամ բռնագանձումով: Գեղարքունիքի մարզում բռնագանձումները 2012 թ. կազմել են 1,6 մլրդ դրամ, իսկ Լոռիում՝ 1,3 մլրդ դրամ: Մ. Պողոսյանը նշեց, որ ԴԱՀԿ-ը բռնագանձած գույքն իրացնում է բացառապես էլեկտրոնային աճուրդների միջոցով, հետեւաբար՝ պետք է չէ հավատալ այն խարդախներին, որոնք քաղաքացիներին էժան բնակարան են խոստանում ԴԱՀԿ-ի վարույթներից; Ըստ . Պողոսյանի՝ այդպիսի խարդախության արդեն 3 գործ կա: | |
|
| |
| Մեկնաբանություններ: 0 | |
