«Անցած տարի ու այս տարվա սկզբում շատ խոշոր տուգանքներ կիրառեցինք: Մեկ տնտեսվարող սուբյեկտը տուգանվում էր 8 մլն դրամի սահմաններում; Նախաձեռնեցինք հանդիպում եւ տնտեսվարողներին ներկայացրեցինք օրենքի պահանջները: «Վաղարշ եւ որդիներ» ՍՊԸ-ի ներկայացուցիչներն էլ էին ներկա, ամենամեծ խախտումներն այդտեղ ենք հայտնաբերել»,- ասաց Լ. Խալիկյանը:

Նրա տեղեկացմամբ՝ համատեղ քննարկումների արդյունքն այն է, որ  շուկայում զգալի ավելացել են լիցենզավորված հարգորոշում իրականացնող սուբյեկտները: Եթե նախկինում այդպիսի լիցենզավորված 7 կազմակերպություն կար, ապա ստուգումներից հետո 25-30 կազմակերպություն դիմեցին նման իրավասություն ստանալու: Հիմա ցանկացած տոնավաճառում կան հարգորոշող լիցենզավորված անձինք;

Բարելավվել է նաեւ իրավիճակը կշեռքների հետ կապված; Լ. Խալիկյանն ասաց, որ անցյալ տարի 30 ստուգումներից միայն մեկում են հայտնաբերել չափանիշներին համապատասխանող կշեռք: Իսկ ներկայում գրեթե ամենուրեք փորձում են կիրառել «հաստատված տիպի» կշեռքներ: