Ինչ վերաբերում է 2012 թվականի ընթացիկ ստուգումներին, թերություններ են նկատվել 14 կապալառուներից 7-ի մոտ, որոնցից առգրավվել է 90 մլն դրամ կամ տարեկան ընդհանուր գումարի 3,5 տոկոսը: Մյուսների կատարած աշխատանքը նորմալ է գնահատվել:

2012-ին«Ավտոճանապարհների տնօրինություն»-ը վերահսկել է Երեւան-Աշտարակ մայրուղու Երեւան-Պռոշյան հատվածի մոդեռնացումը: 35 կմ նոր ճանապարհ է կառուցվել Տավուշի մարզի Բերդի շրջանում: «Տավուշի մարզը շատ կարեւոր է մեզ համար, որը սահմանամերձ է եւ որակյալ ենթակառուցվածքների կարիք ունի»,-ասաց Քոչինյանը: Նրա խոսքով՝ գլխավոր խնդիրը Հյուսիս-հարավ մայրուղու շինարարական աշխատանքների գնահատականն է, որն սկսվել է նախորդ տարի: Քոչինյանը հիշեցրեց, որ ավտոճանապարհների որակը իրենցից բացի վերահսկում է նաեւ Տրանսպորտի նախարարության լաբորատորիան, որը ստուգում է ճանապարհների շինարարական նյութերի որակը: