ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Հուլիս » 18 » Հայաստանից արդյունաբերական արտադրանքի արտահանումը կավելանա մոտ 3 անգամ

---

16:47 Հայաստանից արդյունաբերական արտադրանքի արտահանումը կավելանա մոտ 3 անգամ

Հայաստանն առաջիկա 10 տարում կվերականգնի իր նախկին արդյունաբերական պոտենցիալը, այսօր Չարենցավանում գործարարների հետ հանդիպման ժամանակ հայտարարել է էկոնոմիկայի նախարար Տիգրան Դավթյանը: Նրան այս հայտարարության համար հիմք է ծառայել կառավարության այն նախնական խոստումը, որ 2013 թ. պետական բյուջեում առանձին տողով գումարներ կհատկացվեն արդյունաբերության զարգացման, այդ թվում` արդյունաբերական վարկերի տոկոսադրույքների սուբսիդավորման նպատակով:  Չարենցավանը Կոտայքի մարզի երբեմնի արդյունաբերական հզոր կենտրոններից մեկն էր: Խորհրդային տարիներից ի վեր շարքից դուրս եկած գործարաններից քչերն են այսօր գործում: Դրանցից մեկն էլ «Ասկե գրուփ» ընկերությունն է, որն արտադրում է պողպատ, թուջ, ամրաններ: Այս ընկերության օրինակը եւ առկա ներուժը, ինչպես նաեւ հայրենի կառավարության խոստումները նախարարին հիմք են տալիս իր հերթին խոստանալու` առաջիկա 10 տարում Հայաստանից արդյունաբերական արտադրանքի արտահանումը կավելանա մոտ 3 անգամ։ Անցյալ տարվա դեկտեմբերին կառավարությունն ընդունեց արդյունաբերական քաղաքականության ռազմավարություն: Ըստ այդմ` ամեն տարի նախատեսվում է վերագործարկել մի քանի տասնյակ արդյունաբերական ձեռնարկություն: Նոր ռազմավարությունը ենթադրում է նախ նոր տեխնոլոգիաների ներդրում, ուստի նոր տեխնոլոգիաներ ներկրող ընկերությունների համար կառավարությունը հետաձգում է ավելացված արժեքի հարկի վճարումը 3 տարով:  Այս նախաձեռնություններով հանդերձ` էկոնոմիկայի նախարարությունը ծրագրում է համաշխարհային բանկի հետ գործակցությամբ Չարենցավանում եւ Վանաձորում եւս ստեղծել տեխնոլոգիական կենտրոններ` կրթական ու արտադրական ենթակառուցվածքներով: Նման տեխնոլոգիական կենտրոն արդեն իսկ գործում է Գյումրիում: Կա նաեւ Չարենցավանից մինչև Աղվերան միջանցք ստեղծելու զբոսաշրջային նախագիծ:

1 2 3 4 5 Դիտումներ: 518 | Ավելացրեց: ArmFin | վարկանիշ: 0.0/0

Մեկնաբանություններ: 0