«Թեեւ շենքի ճակատը դեռ կանգուն է, սակայն հետեւի մասում արդեն երրորդ հարկի մետաղական կոնստրուկցիաներն են կառուցում։ Մինչդեռ բազմիցս հայտարարվել է, որ շենքի վերգետնյա շինարարության նախագիծ չկա, իսկ առանց դրա խստիվ արգելված է որեւէ շինարարություն իրականացնել։ Ճարտարապետների միության նախագահ Մկրտիչ Մինասյանը երեկ մեզ տեղեկացրեց, որ կառուցապատողի ներկայացրած նախագիծը մեկ անգամ քննարկվել է քաղաքաշինության նախարարությունում, մեկ անգամ էլ՝ Երեւանի քաղաքապետարանի քաղաքաշինական հանձնաժողովում, բայց այն չի հաստատվել, եւ պետք է նորը ներկայացնին, ինչը չեն արել։ 
«Ընդհանրապես, եթե մի կառույց կառուցվում է. պետք է հաստատված նախագծով կառուցվի։ Իսկ ինչ կառուցվում է առանց նախագծի, դրանք փաստորեն անօրինական են»,- ասաց նա՝ շեշտելով, որ Փակ շուկայի շինարարությունը մի քանի անգամ կանգնեցվել է, բայց նորից սկսում են»,- գրում է «Ժամանակը» ։