21:21 «Կանխենք գազի թանկացումը» նախաձեռնությունը հայց է ներկայացնում ՀԾԿՀ-ի դեմ | |
 «Մինչեւ Հայաստանում բոլորը վիճում են եվրոպական, թե եվրասիական ընտրություն անել, Հայաստանի հանրային ծառայությունները կարգավորող հանձնաժողովը, երեւի, թե իր ընտրությունը կատարել է՝ միանալով եվրասիականին»: Այս մասին այսօր` հուլիսի 13-ին հրավիրված ասուլիսին ասաց «Կանխենք գազի թանկացումը» նախաձեռնության անդամ Անդրիաս Ղուկասյանը՝ ներկայացնելով հայցադիմումը, որը հանձնելու են Վարչական դատարան եւ խոսելով Հանրային ծառայությունները կարգավորող հանձնաժողովի դեմ ՀՀ քաղաքացիների իրավունքները խախտելու վերաբերյալ դատական հայց ներկայացնելու մանրամասներից:Նրա խոսքով, «Հայռուսգազարդ» ՓԲԸ-ն ու Հանրային ծառայությունները կարգավորող հանձնաժողովը ընդունել են ոչ միայն ռուսերեն լեզվով փաստաթղթեր, որոնք իրենց բավոնադակությամբ չեն հիմնավորում գազի գնի բարձրացումը, այլ որպես փաստաթուղթ չեն համպատասխանում Հայաստանի օրենսդրությանը: Հետեւաբար իրենք դիմելու են Վարչական դատարան՝ պահանջելով պարտավորեցնել հանձնաժողովին նոր սակագին սահմանել: Նախաձեռնության անդամ Արամ Գրիգորյանն էլ նշեց, որ թանկացման վերաբերյալ փաստաթղթերը հանրությանը ներկայացվեցին շատ ուշ, ավելին լրացուցիչ ժամանակ չեն տվել, որ ծանոթանան փաստաթղթերին, ն նաեւ ոստիկաության միջամտությամբ թույլ չեն տվել, որ հանրությունը մասնակցի հանրային ծառայությունները կարգավորող հանձնաժողովի նիստին: «Սրանք հիմքեր են, որոնք դատարանը պետք է հաշվի առնի»,- նշեց նա: | |
|
| |
| Մեկնաբանություններ: 0 | |
