14:41 Մեղրիի թզի մուրաբաները արտահանվում են Ուկրաինա եւ ԱՄՆ | |
 Մեղրիի պահածոների գործարանը մեծացնում է արտադրանքի ծավալները: Ինչպես NEWS.am-ի թղթակցին ասաց ձեռնարկության ղեկավար Գրիշա Գրիգորյանը, 2012թ-ին գործարանն արտահանման ծավալն ավելացրել է 80%-ով: «Արտադրանքի եւ իրացման ծավալները դեռեւս մեծ չեն, սակայն արտահանումը կայուն աճում է. 2011թ-ին աճել էր 60%-ով», - ասաց Գրիգորյանը:Գործարանը մասնագիտանում է ենթաարեւադարձային մրգերի վերմաշակման ոլորտում: «Մենք ընկույզ ենք պահածոյացնում Կապանի շրջանից, իսկ հոն` անգամ Նոյեմբերյանից»,-ասաց Գրիգորյանը: Ընկույզ գործարանը մթերում է նաեւ Լեռնային Ղարաբաղից: Հիմնականում գործարանը թզի, ընկույզի, ինչպես նաեւ կիվիի եւ խուրմայի մուրաբաներ ու ջեմեր է պատրաստում: «Այստեղ կիվի աճում է, ճիշտ է, ոչ մեծ, բայց բերքն ամենեւին էլ վատը չէ»,-նկատեց նա: Բացի Ուկրաինայից եւ ԱՄՆ-ից , գործարանը փորձել է նաեւ արտադրանքն իրացնել ամենամոտ երկրի շուկայում` Իրանում: Այդուհանդերձ, իրանական շուկա մուտքն այնքան էլ հեշտ չէ եւ առայժմ արդյունք չի արձանագրվել: Գործարանի տնօրենը մյուս հեռանկարային շուկան եվրոպականն է համարում: «Եվրոպայում ջեմն էժան է, եւ մեզ համար դժվար է նրանց հետ մրցակցել: 400-գրամանոցը` 1,39 եվրո, իսկ թարմ մորին` 11 եվրո: Որտեղից է այս տարբերությունը: Այնտեղ վերամշակման են տալիս ամենցածրորակ հումքը, իսկ հումքը թափելու վրա լուրջ սահմանափակումներ կան»,-պարզաբանեց նա: | |
|
| |
| Մեկնաբանություններ: 0 | |
