15:07 Սերժ Սարգսյան. Տնտեսական աճի արդյունքը պետք է տեսանելի լինի բոլորին | |
 Տնտեսական աճը պետք է տեսանելի լինի Հայաստանի յուրաքանչյուր բնակչի համար, այլ ոչ թե մի քանի անհատների: Այս մասին, այսօր` հունվարի 31-ին, Կոտայքի մարզի Աբովյան քաղաքում ընտրողների հետ հանդիպման ժամանակ հայտարարել է Հայաստանի նախագահի թեկնածու, երկրի գործող նախագահ Սերժ Սարգսյանը, հայտնում է NEWS.am-ի թղթակիցը:«Մենք քայլ առ քայլ փոխում ենք Հայաստանի տնտեսությունը: Մենք բարեփոխել ենք երկրի քաղաքական դաշտը, հիմա մենք պետք է նման հաջողությունների հասնենք տնտեսության մեջ: Մենք աջակցում ենք նոր ծրագրերին եւ դրանց առաջադրող ձեռնակարկատերերին: Մենք անում ենք հնարավոր ամեն ինչ` այդկերպ նոր, կայուն եւ խոստումնալից աշխատատեղեր բացելու համար: Նոր ներդրումներ ենք անում, ընդունում ենք տեխնոլոգիական որոշումներ եւ արտադրողական հնարավորություններ ենք փնտրում: Իսկ դրանք էլ հենց ճանապարհ կբացեն յուրաքանչյուր աշխատող մարդու համար: Քայլ առ քայլ մենք կմեծացնենք Հայաստանում արտադրված ապրանքների ցուցակը: Քայլ առ քայլ կմեծացնենք արտաքին շուկաներում հայկական ապրանքների` մրցակցելու կարողությունները: Ներկայիս աշխարհում այլ կերպ ապրել հնարավոր չէ: Մենք նաեւ կբարձրացնենք հարկային եւ մաքսային համակարգերի արդյունավետությունը, դրանք կհամապատասխանեցնենք ժամանակակից պահանջներին: Բոլորի վերաբերմունքն այդ կառույցների հանդեպ կփոխվի` սա ես կարող եմ հաստատ ասել: Մի քանի օր առաջ ես ցանկացա տեսնել դրանք գործի մեջ, եւ կարող եմ ասել, որ արդիականացման աշխատանքները բավականին հաջող են անցել: Մեր հասարակությունը, հատկապես նրանք, ովքեր ձեռնարկատիրությամբ են զբաղվում, կստանան որակյալ եւ ժամանակակից ծառայություններ: Իհարկե, նախկինից եկած շատ կնճռոտ երեույթներ հաղթահարվել են, բայց մենք դեռ հեռու ենք այն իրականությունից, որին ձգտում ենք եւ իմ կողմից ասվածը չի նշանակում, որ այդ համակարգերը արդեն քննադտության ենթակա չեն:Ուղղակի ամեն ինչ համեմատությունից է իմացվում»,- նշել է Սերժ Սարգսյանը: | |
|
| |
| Մեկնաբանություններ: 0 | |
