ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Օգոստոս » 30 » Սերժ Սարգսյանին շտապ փող է պետք

---

22:07 Սերժ Սարգսյանին շտապ փող է պետք

Հայաստանի էներգետիկայի նախարար Արմեն  Մովսիսյանն ասել է, որ Հայաստանն ու Ռուսաստանը  պայմանավորվել են գազի գնի սուբսիդավորման  հարցում: Նա ասել է, որ Ռուսաստանը փող է տալու:  Պայմանագրի պայմանների մասին, բնականաբար,  ոչինչ հայտնի չէ: Սակայն, դատելով նրանից, որ Սերժ  Սարգսյանը մեկնելու է Մոսկվա, ինչ որ  համաձայնություններ ձեռք են բերվել: Միեւնույն ժամանակ, տեղեկություն է տարածվել, որ Սերժ Սարգսյանը Տիգրան  Սարգսյանին հանձնարարել է բյուջեն պատրաստել Եվրամիության 1 միլիարդ դոլար  դոնորային օգնության հաշվարկով (նախկինում խոսքը 1,5 միլիարդի մասին էր): Այս  տեղեկությունը հնարավոր է նպատակ ունի ցույց տալ այլընտրանք ռուսական փողին: Մինչ խորհրդարանի 2017 թ. ընտրությունը Սերժ Սարգսյանը մտադիր է սահմանադրական հանրաքվե անցկացնել, անցնել խորհրդարանական կառավարման համակարգի եւ ստանձնել վարչապետի պաշտոնը: Դրա համար Սերժ Սարգսյանին փող է պետք, շատ փող: Ասենք, փողը հիմա էլ է պետք: Որտեղի՞ց վերցնել՝ ահա գլխավոր հարցը, որը հնարավոր է շատ բանով պայմանավորում է Սերժ Սարգսյանի արտաքին քաղաքական կուրսը: Որքա՞ն փող կտա Ռուսաստանը եւ ի՞նչ կպահանջի որպես «գրավ»: Ստեփանակերտի օդանավակայա՞նը, նոր հզորություններ Հայաստանո՞ւմ: Համենայնդեպս, ակնհայտ է, որ Ռուսաստանը դժվար թե Հայաստանին ստիպի հրաժարվել «եվրոպական կուրսից», հասկանալով, որ կայսրության փլուզումն արդեն անշրջելի է: Ավելի շուտ, Մոսկվան կպահանջի գեոտնտեսական երաշխիքներ: Եվրոպան փող կտա՞: Այո, եւ ամենայն հավանականությամբ, ինչպես նշվել է, փողը ներդրվելու է խոշոր նախագծերի մեջ, ինչպես օրինակ Հյուսիս-հարավ ճանապարհը կամ ջրային ենթակառուցվածքները: ԱՄՀ-ն եւ Համաշխարհային բանկն առայժմ օգնում են կառավարությանը կատարելու սոցիալական պարտավորությունները: Ներկայում Հայաստանը ատլանտյան այս երկու ֆինանսական կառույցներին պարտական է սոցիալական կայունության հարցում եւ լիովին կախված է նրանցից: Մյուս կողմից, տնտեսական պլանում, հատկապես էներգետիկ եւ տրանսֆերտների մասով, Հայաստանը կախված է Ռուսաստանից: Այլ կերպ ասած, մեր երկիրը գրավադրվել է «երկու բանկերում»: Հայաստանը փող չունի: Դրա բացակայությունը, տնտեսական անտաղանդ քաղաքականությունից բացի, պայմանավորված է նաեւ տնտեսության կառուցվածքով եւ ներքին «սաբոտաժով»: Նկատի առնելով, որ Սերժ Սարգսյանին չի հաջողվել վերահսկողություն հաստատել Հայաստանի տնտեսության հիմնական մասի վրա, կամ կառուցել «նոր» տնտեսություն, նման սաբոտաժը կարող է նաեւ մահացու հետեւանքներ ունենալ: Սերժ Սարգսյանին շտապ փող է պետք: Հնարավոր է, նրա այցը Խորվաթիա կապված է դրա փնտրտուքի հետ:                                                                                                         www.lragir.am

1 2 3 4 5 Դիտումներ: 394 | Ավելացրեց: ArmFin | վարկանիշ: 5.0/1

Մեկնաբանություններ: 0