ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2013 » Օգոստոս » 30 » Վաղվանից կսկսվեն «Փակ շուկա»-ի ավերումը կանխելու ակտիվ գործողությունները

---

22:11 Վաղվանից կսկսվեն «Փակ շուկա»-ի ավերումը կանխելու ակտիվ գործողությունները

«Ազատագրենք հուշարձանն օլիգարխից»  քաղաքացիական շարժումը «Փակ շուկա»-ի տարածքում  իրականացվող ապօրինի շինարարությունը կանխելու  ուղղությամբ ակտիվ գործողությունների փուլ է սկսելու վաղը՝ ժամը 14.00-ին, «Փակ շուկա»-ի հարևանությամբ: Այս մասին այսօր լրագրողների հետ հանդիպման ժամանակ տեղեկացրեց շարժման ակտիվ  ներկայացուցիչ, հասարակական գործիչ, լրագրող Անի  Քոչարը: Վերջինիս համոզմամբ` հասարակությունն արթուն պետք է լինի, արձագանքի նման  նախաձեռնություններին և չլռի, քանի որ լռության ներքո օլիգարխն անում է իր գործը`  ցույց տալով, որ թքած ունի բոլորի վրա, և անելով այն, ինչ իրեն հարմար է:  «Մենք թույլ չենք տա դա, իրենք ամեն անգամ փոքրիկ հաղթանակներ տոնելով՝ կհասնեն մի վիճակի, երբ մի օր մեզ կհանեն մեր բնակարաններից»,- ասաց Անի Քոչարը:  Նա հստակեցրեց, որ վաղվանից սկսելու են բողոքի ակցիաների, պիկետների, ուղիղ միացումների, հերթապահության միջոցով պայքարել արդարության վերականգնման համար: Նա չբացառեց, որ այս պայքարում միգուցե իրադարձություններն ու զարգացումները շատ ավելի թեժ լինեն, քան Կոմիտասում օրեր առաջ մեկնարկած պայքարում: Նրա խոսքով` բոլորին հայտնի Սամվել Ալեքսանյանի մերձակա շրջապատը գուցե ավելի կտրուկ գործողությունների դիմի՝ թույլ չտալու համար իրենց խաղաղ ակցիաները:  Լուսանկարը` PanARMENIAN Photo-ի

1 2 3 4 5 Դիտումներ: 496 | Ավելացրեց: ArmFin | վարկանիշ: 5.0/1

Մեկնաբանություններ: 0