17:42 Վարդան Այվազյան. Լիցենզավորված վճարումները չեն աղքատացնում հայ ատամնաբույժներին | |
 Լիցենզավորված վճարումները չեն կարող վատթարացնել ատամնաբուժարանների եւ անհատ բժիշկների ֆինանսական վիճակը: Այսօր` մարտի 5-ին, լրագրողների հետ հանդիպման ժամանակ նման տեսակետ հայտնեց Ազգային ժողովի տնտեսական հարցերով հանձնաժողովի նախագահ Վարդան Այվազյանը:«Օրենքը թեթեւացնում է հաշվապահական հաշվառումը եւ դա ձեռնտու է ատամնաբույժին: Նրան ասում են. «Վճարիր ամսավճարը եւ վերջ: Այլեւս քեզ ոչ հարկայինը կմոտենա, ոչ էլ` որեւէ մեկը: Ոչ մի ստուգում չի անցկացվի»: Նրա խոսքով` ատամնաբուժարանների ներկայիս շրջանառությունն, ինչպես նաեւ ատամնատեխնիկների արհեստանոցների պետական տուրքը բավականին ողջամիտ են: Նշենք, որ համաձայն «Լիցենզավորված վճարումների» մասին օրենքի փոփոխությունների` հաշվառումները կատարվում են ըստ գոտիների` Երեւան, շրջանային կենտրոն, այլ քաղաք, այլ բնակավայր եւ սահմանամերձ գյուղ: Կախված գոտուց` սակագինը կազմում է ամսական 80 հազար դրամից (Երեւան) մինչեւ 14 հազար դրամ (սահմանամերձ գյուղ): Իրավաբանական անձանց համար, ովքեր ունեն երեքից ավել ատամնաբուժական աթոռ, երրորդից հետո յուրաքանչյուր աթոռի համար հարկը կազմում է 48 հազար դրամից (Երեւան) մինչեւ 8400 դրամ (սահմանամերձ գյուղ): | |
|
| |
| Մեկնաբանություններ: 0 | |
