ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2014 » Հունվար » 16 » Յունիբանկը դարձել է Հայաստանում Ամերիկայի Առևտրի Պալատի անդամ

---

13:46 Յունիբանկը դարձել է Հայաստանում Ամերիկայի Առևտրի Պալատի անդամ

Յունիբանկը սկսում է համագործակցությունը Հայաստանում Ամերիկայի առևտրի պալատի (AmCham) հետ` դառնալով կազմակերպության  թղթակից անդամ:  Անդամակցության շրջանակներում բանկը կընդլայնի  համագործակցությունը բիզնես ներկայացուցիչների հետ,  կնպաստի անդամ կազմակերպությունների բիզնես ծրագրերի  իրագործմանը` ձգտելով դառնալ առավել շահավետ  գործընկեր ՓՄՁ- ների համար:  31.12.13թ. դրությամբ Յունիբանկի ընդհանուր վարկային պորտֆելը կազմել է 113 մլրդ դրամ, որից 61 մլրդ դրամը բաժին է ընկել բիզնես վարկերին: Բիզնեսի համար վարկային միջոցների հասանելիությունն ու արդյունավետությունը բարձրացնելու նպատակով, Յունիբանկը փոքր և միջին ձեռնարկություններին առաջարկում է վարկեր առանց որևէ միջնորդավճարի: Վարկի տարեկան տոկոսադրույքը կազմում է սկսած տարեկան 12%-ից, մարման ժամկետը` մինչև 120 ամիս, գումարը` մինչև 2 մլն ԱՄՆ դոլար կամ եվրո: Վարկը տրամադրվում է իրավաբանական անձանց և անհատ ձեռներեցներին ցանկացած բիզնես նպատակի համար, այդ թվում` այլ ֆինանսական հաստատություններում վարկերի վերաֆինանսավորման համար:  Ամերիկայի առևտրի պալատը Հայաստանում գործում է 2000թ.-ից: Կազմակերպության նպատակն է պաշտպանել անդամ ընկերությունների շահերը հարկային և իրավական դաշտում, ինչպես նաև աջակցել գործարար միջավայրի բարելավմանն ու լավագույն բիզնես փորձառության ներդրմանը: Հայաստանում Ամերիկայի առևտրի պալատին անդամակցում են տնտեսության տարբեր ոլորտների շուրջ 100 ընկերություններ:

1 2 3 4 5 Դիտումներ: 331 | Ավելացրեց: ArmFin | վարկանիշ: 5.0/1

Մեկնաբանություններ: 0