Նա կասկածի տակ դրեց «կառավարության կանխատեսման ունակությունները»: Այսպես, ըստ Մ. Մելքումյանի, կառավարությունը այս տարվա հունիսին միջինժամկետ ծախսերի ծրագրում տնտեսական աճը կախատեսել է 3,8%, իսկ 2013 թ. բյուջեի հիմքում դրված է 6,2 աճը: «Անհասկանալի է, թե ինչու մի քանի ամսվա մեջ տնտեսական աճի կանխատեսումը 2-3 %-ով փոխվեց»,- ասաց ԲՀԿ պատգամավորը:

Նա նաեւ կարծիք հայտնեց, որ հարկային բեռը պետք է արդարացի վերաբաշխվի փոքր եւ խոշոր բիզնեսի միջեւ: Բացի այդ՝ հանքարդյունաբերությունում կիրառվող ռոյալթին (լրացուցիչ հարկատեսակ հանքարդյունաբերական ձեռնարկությունների համար) կազմում է ընդամենը 500 դրամ յուրաքանչյուր արդյունահանվող 1 տոննա հանքաքարի համար: «Չեմ ասում՝ քիչ է, թե շատ; Թողնում եմ ձեր մեկնաբանությանը»,- հայտարարեց Մ. Մելքումյանը: