ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 21 » «Դալմա Գարդեն Մոլ» կենտրոնը կբացվի հոկտեմբերին

---

14:07 «Դալմա Գարդեն Մոլ» կենտրոնը կբացվի հոկտեմբերին

Երեք տարի առաջ հասարակության շրջանում բավականին աղմուկ հանած «Դալմա Գարդեն Մոլ» առևտրի կենտրոնը, որի համար զգալի տարածք էր հատկացվել Դալմայի այգիներում, պետք է բացվեր 2010թ. երրորդ քառորդում, ապա այս տարվա գարնանը: Սակայն մինչև հիմա կենտրոնը չի հանձնվել շահագործման:  Ինչպես «Առաջին լրատվական»-ին հայտնեցին «Դալմա ինվեստ» ընկերությունից, դրա բացումը նախատեսվում է այս տարվա հոկտեմբերի կեսերին, իսկ հետաձգման պատճառը բրենդային ֆիրմաներին հրավիրելու խնդիրն էր: Ընկերությունից հավաստիացրեցին, որ արդեն բավականին ֆիրմաներ արձագանքել են, և ընդհանուր տարածքի մոտ 70-80% զբաղեցված կլինի:  Հիշեցնենք, որ այդ տարածքում այգիներ ունեցող ավելի քան 600 քաղաքացիներ բողոքում էին ընկերության փոխհատուցման քաղաքականությունից:  «Դալմա Գարդեն Մոլ»-ի ընդհանուր 46 հզ. քառակուսի մետր տարածքից 32.6 հզ-ը օգտագործվելու է առևտրային նպատակներով: Այն ընդգրկելու է տան համար պարագաների և կենցաղային տեխնիկայի սուպերմարկետներ, հագուստի բուտիկներ, հիպերմարկետ, կինոդահլիճներ, խաղասրահներ, սրճարաններ, ռեստորան, արագ սննդի կենտրոններ և այլն: Կենտրոնի կառուցապատման ներդրումների ընդհանուր ծավալը մոտ 35 մլն դոլար է:

1 2 3 4 5 Դիտումներ: 398 | Ավելացրեց: ArmFin | վարկանիշ: 0.0/0

Մեկնաբանություններ: 0