ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 21 » Մեծ Մասրիկում ցորենի բերքը հիասթափեցնող է

---

13:56 Մեծ Մասրիկում ցորենի բերքը հիասթափեցնող է

Գեղարքունիքի մարզի Մեծ Մասրիկ համայնքում շարունակվում է ցորենի բերքահավաքը: Ինչպես shamshyan.com-ի հետ զրույցում ասաց համայնքապետ Վալոդյա Խլոյանը`այս տարի գյուղն ունի 1450 հա հացահատիկային ցանքատարածք և սպասվում էր հեկտարից միջինը 20 ցենտներ ցորենի բերք:  Համայնքապետը մեզ հավաստիացրեց, որ բերքահավաքն ընթանում է նորմալ տեմպերով: Արդեն իսկ կազմակերպվել է նաև ցորենի մթերում:  «Գյուղում արդեն կատարվում է ցորենի մթերում, անգամ դաշտից գալիս տանում են կգ-ը 150 դրամով: Մթերում են տարբեր կազմակերպություններ` ֆերմերային տնտեսություններ, թռչնաբուծական ֆաբրիկաներ, ալրաղացներ: Մեծ է մարզպետի աջակցությունը: Մենք նախապես մարզպետարանին տեղեկացրել էինք, որ գյուղն ունի մոտ 1500 տոննա մթերման ենթակա ցորեն, և խնդրել էինք կանոնավորել մթերման հարցը: Մարզպետարանը տեղեկացրել է այդ մասին տարբեր կազմակերպությունների:Պայմանավորվածությունները ձեռք են բերվել նաև անհատ ձեռներեցների կողմից: Մթերողներ են եկել նաև իրենց անհատական նախաձեռնությամբ»,-ասաց համայնքապետը:  Այս ամենը իհարկե չի վերաբերում հասարակ գյուղացիներին, ովքեր ունեն ընդամենը մեկ կամ երկու հա հողատարածք, որի բերքը կբավականացնի միայն ընտանիքի կարիքները հոգալուն: Եվ առհասարակ, այս տարի աշնանացան ցորենի բերքը գյուղում սպասվածից քիչ է եղել: Միջին հաշվարկով մարդիկ ստացել են հա 10 ցենտներ արդյունք:  Մեզ հետ մասնավոր զրույցում գյուղի կոմբայնավարներից մեկը հավաստիացրեց, թե որոշ դեպքերում բերքը չի հասել անգամ հեկտարից 300-500 կգ-ի: Պատճառները ոչ միայն եղանակային անբարենպաստ պայմաններն են, այլև` գյուղացիների ֆինանսական սուղ միջոցները: Կայուն աշխատանք և եկամուտ չունեցող գյուղացիների մեծ մասն ուղղակի ի վիճակի չի եղել ժամանակին և հարկ եղածին պես մշակել ցանքատարածքները: Արդյունքը հիասթափեցնող է:

1 2 3 4 5 Դիտումներ: 428 | Ավելացրեց: ArmFin | վարկանիշ: 0.0/0

Մեկնաբանություններ: 0