ԳԼԽԱՎՈՐ Գրանցում ՄՈՒՏՔ RSS

ՍՈՎԻ ՄԱՏՆՎԱԾ ՀԱ'Յ ԺՈՂՈՎՈՒՐԴ
 

ԳԼԽԱՎՈՐ » 2012 » Օգոստոս » 8 » Russia Today-ը կզբաղվի տեսանյութերի վաճառքով

---

12:16 Russia Today-ը կզբաղվի տեսանյութերի վաճառքով

Russia Today հեռուստաալիքը Բեռլինում բացում է վիդեոգործակալություն՝ իր սյուժեներն արտասահմանյան հեռուստաալիքներին վաճառելու համար: Այս մասին «Իզվեստիա» թերթին տված հարցազրույցում հայտնել է հեռուստաըներության գլխավոր խմբագիր Մարգարիտա Սիմոնյանը:  Russia Today-ն այժմ ունի Free Video առցանց վիդեոգործակալություն: Պորտալը գործարկվել է 2009թ.: Այդտեղ ազատ ներբեռնման համար տեղադրվում են սյուժեներ և փաստագրական ֆիլմեր, որոնք ցուցադրվում են Russia Today-ի եթերում, ինչպես նաև չմոնտաժված տեսանյութեր: Free Video-ում գրանցված է 12,500 հեռուստաալիք:  Նոր վիդեոգործակալությունը, Սիմոնյանի խոսքերով, ավելի լայնածավալ ծրագիր կլինի, քան Free Video-ն: Նախագծի ղեկավարը կլինի Դենիս Տուրնովը՝ RT America հեռուստաալիքի հիմնադիրը: Նոր գործակալության աշխատանքներն ապահովելու համար Russia Today-ը պատրաստվում է բացել մի քանի նոր թղթակիցների կետեր, այդ թվում Չինաստանում, Իրաքում և Աֆղանստանում:  Ընդ որում, նշվում է, որ նոր նախագիծը եկամտի աղբյուր չի լինի: Նախատեսվում է, որ տեսանյութերի վաճառքից ստացված գումարը միայն մի քանի տարի անց կփակի դրա վրա արված ծախսերը:

1 2 3 4 5 Դիտումներ: 397 | Ավելացրեց: ArmFin | վարկանիշ: 0.0/0

Մեկնաբանություններ: 0