ՀՀ էկոնոմիկայի և արտաքին գործերի նախարարությունները համատեղ կպատրաստեն Սևծովյան տնտեսական համագործակցության կազմակերպության և անդամ երկրների ներկայացուցիչների Հայաստան այցի ծրագիր: Այդ փաստաթղթի հիման վրա նախարարությունները կապահովեն Հայաստանի մայրաքաղաքում միջազգային տնտեսական կառույցի հոկտեմբերի 4-5-ին նախատեսվելիք տեղեկատվական և հեռահաղորդակցման տեխնոլոգիաների հարցերով աշխատանքային խմբի նիստի նախապատրաստումը և անցկացումը:

Միջոցառման անցկացման համար 2012 թ. պետական բյուջեից կհատկացվի 3101000-ի սահմաններում դրամ:

Հիշեցնենք, որ Սև ծովին հարող տարածաշրջանի 11 հիմնադիր երկրների կողմից կառույցը ձևավորվել է 1992թ., որի շտաբ-բնակարանը գտնվում է Ստամբուլում: