Սպառողների վստահության ինդեքսն իրենից ներկայացնում է սպառողներին տրված վեց հարցերի հիման վրա հաշվարկված միջին թվաբանական փոփոխություն: Այն բաղկացած է 2 մասից` ընթացիկ պայմանների ինդեքս (հարցերը վերաբերել են ներկա իրավիճակին) եւ ապագա պայմանների ինդեքս (հարցերը վերաբերել են ապագային):

Ընթացիկ պայմանների ինդեքսը 40.6 % է, իսկ դա նշանակում է, որ հարցվածների կեսից ավելի դեռեւս դրական չեն գնահատում իրենց ներկա վիճակը: Ավելին՝ ՀՀ ներկաիս տնտեսական իրավիճակի վերաբերյալ տնային տնտեսությունների գնահատականի ինդեքսը 24.8% է՝ նախորդ եռամսյակի 30.3%-ի համեմատ;

Ապագա պայմանների ինդեքսը 52.3% է: Թեեւ այս ինդեքսը եւս նվազել է (2012 թ. երկրորդ եռամսյակում 54% էր), սակայն քաղաքացիներն ընդհանուր առմամբ պահպանել են ապագայի նկատմամբ լավատեսությունը:

Նշենք, որ ավելացել են խոշոր գնումներ կատարելու մասին դրական պատասխանները: Հարցվածների 53.4% խոստովանել է, որ 2012 թ. երրորդ եռամսյակում խոշոր գնում է կատարել (երկրորդ եռամսյակի 50%-ի համեմա), իսկ 54.4%-ը պատրաստվում է խոշոր գնում կատարել ապագայում (նախորդ եռամսյակի 54.1%-ի համեմատ):